Skuggarnir lengjast…

…í lok dagsins, og nú er svo sannarlega farið að líða á seinni hluta sumarsins.

Ég ákvað því að vera bara með lítinn og léttan póst, bara svona rétt kíkt í kringum sig í eldhúsinu…

…og ég hef smá gaman að því að sjá fánalengjuna fyrir utan gluggan og hvað hún er svona næstum eins og skraut í glugganum líka…

…hér er svo sem allt með kyrrum kjörum, fyrir utan blandarann sem flutti nýlega inn og nú eru gerðir boozt-ar og sjeik-ar eins og enginn sé morgundagurinn…

…ekki mikil hollusta þarna – en þetta eru sykurpúðaafgangar úr afmælinu, sem ekkert gengur að klára 🙂

Annars fannst mér þessar myndir eitthvað skemmtilegar.  Látlausar ef það er rétta orðið…

…engin ljós, engin kerti – bara skuggarnir sem myndast af birtunni frá gluggunum…

…og það er eitthvað dásamlega dramatískt við svona flagsandi hvítar gardínur…

…ekki satt?

…hér sést líka blessuð ritvélin frá því í seinustu viku…

…á eyjunni er líka gömul kanna sem ég keypti hjá henni Blómfríði (sem ég sýndi ykkur hér)…

…mér finnst hún alveg dásamlega falleg…

…og sjáið bara grey eydda ljónið sem kúrir á henni – hefur eflaust gætt að mörgum kakóbollum í þessari…

…í 3ja hæða bakkanum kúrir líka stórt glas með tréeggjum, sem eru eitthvað svo fallega sveitó…

…og á efstu hæðinni eru gömlu sykurkörin og auðvitað eitthvað af rörum…

…og smá af blómum á eldhúsborðinu, en ég fékk mér einmitt þessar bouquet-rósir og þær stóðu í næstum 2 vikur – þvílíkt duglegar…

…svona var annars þessi litli skuggalegi póstur um ekki neitt – eigið annars góðan mánudag  ♥

ps. þætti vænt um að þið mynduð smella á like-hnappinn ef þið höfðuð gaman af póstinum og ekki væri nú verra að heyra aðeins frá ykkur!