…þá höldum við áfram með stofuna. Seinast vorum við komin með alla veggi nýmálaða eftir snillingana í Nýmálað, og liturinn Blíður frá Slippfélaginu var komin á alla veggi í alrýminu…
…þar sem ég er enn að bíða eftir sófasettinu þá ég á smá bremsu með að setja á veggina skraut. Vil fyrst vera viss um að ég verði sátt við sjónvarpsskenkinn við nýja sófasettið og allt það. En ég vissi að ég vildi fá nýja mottu inn. Okkar var orðin 7 ára gömul, og við erum með hunda. Það var kominn tími á hana.
Því var skundað beint í Húsgagnahöllina en mér finnst það bara aldrei klikka að ég finni fallegar mottu þar. Sérstaklega er ég hrifin af merkinu Nirmal, en þær eru ekki dýrar og svo bara ótrúlega endingargóðar og fallegar…
…langaði líka að benda ykkur á að þó ég sé að kaupa mér stóra mottu, þá eru þær oftast til líka sem renningar og kringlóttar, auk þess sem þær fást í fjölmörgum stærðum. Auk þess eru til svona litlar prufumottur. Kannski 60x60xm sem kosta 5000kr ca, snilld til þess að fá með sér heim og svo er þeim bara skilað og þú notar inneignina upp í nýja mottu…
…þegar rýmið er svona tómt, en við vorum enn að bíða eftir gardínum. Þá eru það svo mikið “mjúku” hlutirnir sem koma með hlýjuna inn. Hér sjáið þið t.d. muninn þegar að púðarnir eru komnir, en þessir eru frá Höllinni líka – og sá fremri frá merkinu Jacobsdal, og svo þegar að motta er kominn inn.
Þessi motta heitir Nirmal Cosan í litinum gráum – stærð 200×300, þrátt fyrir hversu ljós hún er hér heima, og fékkst líka í beigelit, en var þá mun gulari…
Smella til að skoða Cosan grá!
…þessi motta fannst mér alveg einstaklega falleg, en þó vera of ljós og einsleit inn hjá mér. Ég vildi fá eitthvað sem myndi koma með fleiri liti þarna inn, og væri á sama tíma hundvænni kostur. Myndi fela syndir ef einhverjar verða…
…þannig að þessi motta – Nirmal Nautic Red Multi í stærðinni 200×300 – hún var fullkomin! Oh my god sko, það er ekkert að marka myndina sem er inni á heimasíðunni hjá Húsgagnahöllinni, mér leist ekkert á mottuna þar – en hún er með smá rauðum og smá bláum tónum, auk þess sem brúnn og beige er ríkjandi…
…þið sjáið þær líka hérna tvær saman hlið við hlið…
…ég var svo ánægð með þetta val. Hún gaf alveg instant hlýju og karakter inn í stofuna, jafnvel þegar stofan er svona gardínulaus og berrössuð…
…svo þegar að borðin eru komin á sinn stað, í bili alla vega, og svo setti ég mynd svona hallandi upp að vegg til að prufa…
…svo er mottan samþykkt af Mola, sem auðvitað mjög svo mikilvægur hluti af ferlinu öllu…
…svo settum við myndina okkar upp á vegg, þessi sem pabbi málaði og gaf okkur í brúðargjöf, og ég get bara ekki hugsað mér að hafa hana ekki uppi á vegg hjá okkur ♥
Svo þurfum við að skoða gardínurnar, ég ELSKA þær ♥
ps. þætti ótrúlega vænt um að þið mynduð smella á like-hnappinn ef þið höfðuð gaman af póstinum – það er mér mjög dýrmætt! ♥