…það eru komin 10 ár síðan við máluðum stofuna okkar seinast, árið 2016, og eins og gefur að skilja þá var algjörlega komin tími til að taka til hendinni á nýjan leik. Eins langaði mig að breyta hinu og þessu, svona í leiðinni – fyrst við vorum að fara af stað – þið vitið hvernig þetta er. En það er að ýmsu sem þarf að huga við svona breytingar og því ágætt að skoða það…
…fyrsta “vandamálið”, algjörlega heimaskapað auðvitað, er að velja litinn. Það er auðvitað grundvallaratriði. Þið sjáið að þó þetta sé auðvtað mikið til pjatt í mér og löngunin til þess að breyta þá er það samt staðreynd að maður ætti að mála heima hjá sér mjög reglulega. Það er oft talað um á 7-10 ára fresti. Sér í lagi ef þú notar kerti og eins og hjá okkur t.d, umgangur frá heimilisfólkinu (börnin) og gæludýr auðvitað.
Ég var alveg ákveðin í að finna einhvern þægilegan mildan lit, sem væri meira út í brúnan tón en sá grái sem var fyrir og þið sjáið hérna prufur sem ég málaði á striga til þess að geta fært hann á milli staða. En það að setja prufur á striga er snilld, sérstaklega á meðan þú ert að ákveða. En þó myndi ég alltaf mála líka prufur á veggina áður en farið er af stað…
…nú og svo þarf að ákveða gardínur, þetta þarf allt að harmonera saman. En ég ákvað að nýta mér snilldar þjónustu hjá Euroblinds, en þeir mæta og mæla fyrir gardínunum, þær eru svo saumaðar eftir máli og þeir mæta og setja þær upp. Gerist ekki betra!
…hér sjást einmitt pælingarnar, verið að prufa saman púða úr sófasetti sem ég er mjög hrifin af, gardínuprufan og svo málningin – þetta þarf að mynda heild nefnilega…
…þar sem ófriðurinn er alveg að fara með mig, þá séið þið líka hérna að ég er að skoða nýja stóla við borðstofuborðið og þarna varð eg mest skotin í þeim sem er hægra megin á myndinni, brúnir að lit…
Swan-stólar frá Húsgagnahöllinni – smella hér!
…eða þeir eru sko báðir brúnir, en annar er svona leðurefni en hinn er úr boucle-efninu sem er búið að vera svo vinsælt undanfarið. Það þurfti ekki miklar pælingar um þetta þegar ég sá þá í rýminu heima, en sá sem var með boucle-efninu fannst mér passa mikið betur…
Swan stólar – sjá allar týpur!
…sófann sem mig langar í fann ég líka í Húsgagnahöllinni, en hann heitir Nelson og er draumur. Núna fæst hann í stærð sem heitir 3,5 sæta, og er þá 244cm að breidd. En mig vantaði að hafa hann aðeins styttri við enda stofunnar og lét því sérpanta fyrir mig 2,5 sæta sem er rétt um 200cm að breidd.
Liturinn heitir Havre ljós beige og er alveg hreint dásamlegur. Hann virkar alveg ljós þegar þið horfið á hann svona, en í raun er hann yrjóttur, með brúnu og smá gráum yrjum. Nú bíð ég spennt eftir að hann komi til landsins í byrjun maí.
…svo fengu prufur að fara á veggina þegar búið var að ákveða tímann til að mála.
Hér sjáið þið efstann Mjúkan 1 og neðsti er Mjúkur 2 sem eru báðir í litakortinu mínu hjá Slippfélaginu. En sá í miðið var ýktari útgáfa af Mjúkum 1. Ég varð auðvitað að vera með smá vesen…
Smella til að skoða litakortið!
…en það þurfti ekki bara að mála veggina, loftalistarnir okkar voru í mikilli þörf fyrir málun, og einnig þurfti að kýtta bæði fyrir ofan og neðan þá til þess að gera þá fallegri…
…við ætluðum að mála bara sjálf, eins og við erum vön, en svo poppaði upp auglýsing á Instagram hjá mér frá fyrirtæki sem heitir Nýmálað. Ég sendi þeim póst og hann Bjarki mætti til þess að taka út verkið og gera okkur tilboð. Skemmst er frá því að segja að við náðum vel saman og þeir voru mættir hérna sennilega 2 vikum seinna…
…þarna erum við búin að tæma allt, og ýta húsgögnunum inn í miðjuna. Það að tæma vel og gera vinnuaðstoðuna góða fyrir málarana munar miklu. Þeir geta unnið hraðar og betur ef þeir þurfa ekki að vera að færa til hluti og ýta þeim á undan sér. Hér sjáið þið að það er búið að setja límband á gólfið meðfram gólflistunum, því ég fékk þá til þess að pússa þá, grunna, og lakka tvisvar…
…auk þess eru veggirnir plötur sem höfðu hreyfst til, enda búnar að vera miklar jarðhræringar undanfarin ár, og það þurfti að pússa þetta upp, setja borða, sparstla og pússa aftur. Hellings vinna…
…allt í rúst allsstaðar, eins og fylgir svona framkvæmdum…
…og það má ekki gleyma því að undirvinnan skiptir svo endalaust miklu máli, ef hún er ekki í lagi þá er bara ekkert í lagi…
…hérna sjáið þið ágætlega gólflistana, en þeir höfðu farið í taugarnar á mér síðan við settum þá á. En eins og þið sjáið þá er gólfið hvíttuð eik, en það voru bara til eikarlistar þegar við vorum að ganga frá þessu. Þetta var í hruninu sko. Þessi litamunur hefur aukist með árunum og þetta fór alveg svakalega fyrir brjóstið á mér sko…
…við létum þá í Slippfélaginu lita grunninn í sama lit og átti að fara á listana, sem er snilldarlausn þegar hægt er. Eins sjáið þið að það var kýttað meðfram listunum, svo þeir væru fallegri á veggnum…
…auk þess að listarnir fóru í taugarnar á mér, þá fór það líka í mínar fínustu að við áttum að hluta til eftir að setja listana. Hafði sko bara tekið okkur 17 ár takk fyrir…
…hérna hafa snillarnir í Nýmálað skorið meðfram lofti og gólfi, auk þess að búið er að mála og kýtta blessaða loftalistana og hér sjáið þið líka muninn á nýja litinum og þeim gamla sem var á veggjunum, en fyrir var Draumgrár…
…við létum mála í málningunni Björt, sem er – eins og sést á miðanum – silkimött innimálningu með 10% gljáa sem þýðir að það gott að þrífa hana…
…og svo þegar það er loksins komið að því að rúlla veggina – húrra þvílík gleði!
…en liturinn sem var fyrir valinu fékk nafnið Blíður, en hann er dekkt útgáfa af Mjúkur1 eins og áður sagði. Alveg hreint dásamlega fallegur litur – alveg fullkominn hingað inn. En þið hafið í huga að litir eru mjög breytilegir á myndum, eftir birtustigi á tölvuskjám/símum, birtunni úti og allt þar fram eftir götum.
Liturinn virkar t.d. töluvert grárri hér, en ég leyfi myndunum að fylgja með samt…
Þið getið smellt hérna til þess að horfa á málningarferlið á Instagram!
…mér finnst þessi sýna litinn hvað best, en hann er ofsalega hlýr beige tónn – hreinlega fullkominn. En meiri myndir í næsta pósti, liturinn sést bestur og svo koma auðvitað gardínur og motta!
En ég vill enda póstinn með því að hrósa Nýmálað fyrir hreinn frábæra vinnu, þetta voru algerir snillingar og þvílíkur munur á að fá þetta klárað á fimm dögum sem hefði hiklaust tekið okkur fjölmörg kvöld og helgar að ná að vinna. Þeir löguðu veggina, það þurfti meira segja að skipta út hornalistum á tveimur stöðum, sparstlað, kíttað meðfram loftalistum að ofan og neðan og þeir lakkaðir tvisvar sinnum, allir gluggar pússaðir og lakkaðir, gólflistar pússaðir og grunnaðir og svo lakkaðir tvisvar sinnum, allir veggir málaðir tvær umferðir og svo löguðu þeir og lökkuðu útidyrahurðina okkar líka. Allt þetta á ca 5 dögum. Frábærir fagmenn og vinnubrögð eftir því – fullt hús stiga!
Smella hér fyrir Nýmálað – heimasíðu!
Smella hér fyrir Nýmálað á Facebook!
Smella hér fyrir Nýmálað á Instagram!
ps. þætti ótrúlega vænt um að þið mynduð smella á like-hnappinn ef þið höfðuð gaman af póstinum – það er mér mjög dýrmætt! ♥