…gardínurnar komnar upp og nú þarf að setja eitthvað á þessa veggi. Er reyndar enn í smá biðstöðu á meðan ég bíð eftir nýja sófasettinu, en mig langaði að setja eitthvað á vegginn þar sem arininn stóð áður…
…fyrsta pælingin var að setja þessa fallegu mynd eftir hann pabba, en hún er alveg sérlega ljúf og fögur…
…en mér fannst hún verða svo ljós þarna á veggnum, og það er mikið af gardínum og mig langaði í eitthvað sem væri svona aðeins meira krydd í…
…síðan poppaði upp auglýsing frá Húsgagnahöllinni á Facebook um að það hefði verið að koma ný sending af Muubs-hillunum og ég var alveg hreint mjög svo spennt…
…hillurnar koma í nokkrum stærðum og útfærslum – alveg ferlega flottar…
Smella til að skoða Muubs-hillur og fleira!
…varð sem sé svo spennt að svona var komið á eldhúsborðið nokkrum dögum síðar…
…og eftir smá pælingar, útfæringar og mælingar – en bara tvær skrúfur – mjög einfalt, þá var staðan svona…
…úfffffff ég er svo skotin! ♥
…mér finnst hún svo passlega gróf, og ótrúlega töff. Gaman að vera með svona hillur til þess að raða og breyta. Svo eru þær frekar grunnar, bara um 20cm og taka því ekki mikið af plássi…
…fullkomið fyrir myndir og annað smálegt sem manni langar að gera hátt undir höfði…
…hér var fyrsta uppröðunin, og sjáið þið breytinguna við það að setja blómið – hvað það “fyllir” mikið upp í plássið…
…síðan er ég reyndar aðeins á undan minni samtíð en vá hvað það
verður gaman að jólaskreyta þetta allt saman…
…þetta er allt að koma sko! Einn biti í einu, þannig klárar maður af diskinum!
ps. þætti ótrúlega vænt um að þið mynduð smella á like-hnappinn ef þið höfðuð gaman af póstinum – það er mér mjög dýrmætt! ♥