…þá er það gardínupósturinn. En þetta er búið að vera á óskalistanum mínum í svo mörg ár. Að fá mér svona svona “alvöru” djúsí gardínur sem myndu bylgjast fallega og væru í hlýlegum tón. Eitthvað sem ég er búin að ætla að gera leeeeeengi…
…en eins og þið sjáið þá eru gríðarlega stórir gluggar í stofunni okkar, sem og í borðstofunni og gardínur eru því algjörlega nauðsynlegar, í raun er þetta eitthvað sem ég myndi aldrei sleppa…
…ég hef keypt allar myrkvunar og screen gardínur hjá Euroblinds undanfarin ár og var því búin að sjá þó nokkuð af fallegum gardínu útfærslum hjá þeim, og fór af stað og fékk lánaða prufur til þess að skoða hérna heima og bera við litinn sem ég var búin að velja á veggi. Ég ætlaði að fá mér svona þunnar voal gardínur, en það eru auðvitað til alls konar efni og útfærslur, alveg frá myrkvunar- og svo allt þar á milli…
Smella fyrir heimasíðu Euroblinds!
…hér er ég búin að hengja upp prufuna á gardínustöngina sem ég var með fyrir. Prufan er reyndar tvöföld á myndinni, en það sést hvað liturinn er mikið hlýlegri en sá hvíti sem var fyrir…
…og hér er þetta allt saman, gardínuprufa – pulla úr sófanum og svo liturinn á veggina…
…svo kom stóri dagurinn og snilldin hjá Euroblinds er að þeir koma og mæla fyrir gardínunum fyrir þig, svo gegn vægu gjaldi er hægt að fá þá til þess að mæta og festa allt saman upp. Pjúra snilld!
Ég valdi að hafa brautirnar veggfestar, því ég vildi ekki láta bora í loftaplöturnar okkar (svo lítið hald í þeim) auk þess valdi ég að hafa brautirnar svartar – frekar en ljósar.
…en ég var ótrúlega ánægð með svarta útlitið, finnst það gera þetta mjög töff að sjá…
…og Guð minn góður – þvílíkur munur!
Ég var svo sem aldrei óánægð með okkar gardínur, vissi bara að mig langaði í svona “meiri” en þetta er eins og svart og hvítt. Það er bara ekki hægt að líkja þessu saman…
…eitt af mínu uppáhalds við þetta er gardínuhornið, en hann Bartek hjá Euroblinds stakk upp á að láta brautina ná alveg inn í hornið og geta haft gardínurnar alla leið og ég bara elska það!
Gerir þetta eitthvað svo ótrúlega gúrmey!
…svo lét ég brautina ná alveg út vegginn, og aftur er að elska hvað þetta verður eitthvað mjúkt og fallegt allt saman…
…hér sjáið þið svo stofuna, og við létum gardínubrautina ná alveg inn að vegg…
…og það er svo falleg rykkingin á gardínunum, alveg hreint fullkomin. En þær eru líka passlega grófar, svona höráferð á þeim. Liturinn minn heitir Hör color 20 🤎
…ef þið viljið sjá myndband af þessu, þá er það inni á Instagram og þið getið smellt hér!
…það er erfitt að segja hvað er uppáhalds þegar maður er að breyta svona einhverju, en vá hvað þetta er mikið uppáhalds. Ég er algjörlega ástfangin af gardínunum mínum ♥♥
ps. þætti ótrúlega vænt um að þið mynduð smella á like-hnappinn ef þið höfðuð gaman af póstinum – það er mér mjög dýrmætt! ♥