…við hefjum seinni hlutann inni á hótelinu fallega, en það verður að ítreka það aftur – þetta er fallegasta hótel sem ég hef gist á og naut þess í botn. Þið getið skoðað hótelið betur í þessum pósti – smella hér!
…hér erum við á sunnudagsmorgni á röltinu frá hótelinu, þið sjáið útsýnið hér í baksýn – kastalinn bara sísvona. Við tókum bara röltið án þess að vita nákvæmlega hvert við værum að fara og enduðum og mjög svo indælum brönsstað sem hét, auðvitað, Cafe Brunch…
…við löbbuðum þetta það ómarkvisst að ég var alltaf að spá hvað fólk væri að mynda úti á götunni við veitingastaðinn, en það var mjög augljóst þegar við komumst út á götuna sjálfa og við blasti St. Stephens Basilikkan:
Kirkjan var byggð á árunum 1851–1905 og sameinar nýklassískan og nýendurreisnarstíl. Hún er 96 metra há, alveg jafnhá þinghúsinu í Búdapest. Talan 96 var valin til að tákna jafnvægi milli veraldlegs og trúarlegs valds í borginni.
…St. Stephen’s Basilica er ein frægasta kirkja og kennileiti í Budapest. Hún er nefnd eftir heilögum Stefáni, fyrsta konungi Ungverjalands, og hægri hönd hans — svokölluð „Holy Right Hand“ — er varðveitt þar sem helgur gripur. Ansi hreint magnað að sjá bara hendina liggja þarna í kassa.
…það er svo magnað að labba um svona borgir og sjá hvað mikið var lagt upp úr að skreyta bara alls konar byggingar og í raun bara alla hluti.
…ég rölti líka inn í eina af fjölmörgum minjagripaverslunum og þar var ýmislegt að sjá – sæt t.d litlu húsin öll…
…en við gengum frá basilikkunni niður að Váci utca, sem er ein helsta verslunargöngugatan. En rétt við Central Market Hall er að finna þetta tungl inni í húsaporti sem er mjög vinsælt til instagram-mynda þessa daganna…
…svo var auðvitað farið út að borða að kveldi dags…
…rétt hjá hótelinu fórum við á geggjaðan ítalskan stað: Trattoria Pomo D´Oro og ég mæli hiklaust með honum líka, góður matur og svo skemmtileg stemming þarna…
…mánudagur og nú seinasti heili dagurinn okkar í Búdapest…
…við byrjuðum daginn á að fara og skoða Hospital in the Rock:
Hospital in the Rock (ungverska: Sziklakórház) er eitt áhugaverðasta safnið í Budapest — gamall neðanjarðarspítali og kjarnorkubyrgi undir Búda-kastalahæðinni.
Hann var:
- upphaflega byggður í náttúrulegum hellum,
- notaður sem neyðarsjúkrahús í seinni heimsstyrjöldinni,
- og síðan breytt í leynilegt kjarnorkubyrgi á tímum kalda stríðsins.
Á meðan umsátrið um Budapest 1944–45 stóð yfir voru hundruð særðra hermanna og borgara meðhöndluð þar við mjög erfiðar aðstæður. Síðar var staðurinn útbúinn til að standast hugsanlega kjarnorkuárás, með:
- loftsíum,
- rafstöð,
- vatnsbirgðum,
- og afmengunarbúnaði.
Í dag er þetta safn með:
- upprunalegum sjúkrarýmum,
- lækningatækjum,
- vaxmyndum sem sýna lífið á spítalanum,
- og göngum djúpt inni í klettunum.
Margir segja að þetta sé einn áhrifamesti staðurinn í borginni vegna þess hve raunveruleg og þröng upplifunin er.
Gott að vita:
- aðeins er farið inn með leiðsögn,
- ljósmyndun er oft takmörkuð inni,
- og hitinn þar inni er svalur allt árið.
Staðurinn er rétt hjá Buda Castle, þannig að margir sameina þetta í sömu heimsókn.
…rétt við útganginn á spítalanum er bæði lyft og tröppur og þá ertu nánast komin aftur að kirkjunni og kastanum…
…lítur út fyrir að við höfum bara verið að borða en við settum reyndar aftur inn á Jamie Oliver og snæddum löns þennan daginn…
…ótrúlega fallegt allt þarna á kastalahæðinni, og því ekkert leiðinlegt að rölta þarna um aftur…
…og enn og aftur eru kirsuberjatrén að heilla upp úr skónum….
…ein svona af gamla settinu í þessu fallega umhverfi…
Budapest varð fyrir gífurlegri eyðileggingu í seinni heimsstyrjöldinni, sérstaklega í umsátrinu um borgina veturinn 1944–45. Umsátrið stóð í nærri 50 daga og var eitt það blóðugasta í Evrópu.
Eftir stríðið var staðan mjög erfið: flest brúarsambönd yfir Dóná höfðu verið sprengd, heilu hverfin voru í rúst, vatns- og rafmagnskerfi illa farin, og tugir þúsunda íbúa höfðu látist eða flúið.
Eftir stríð komst Ungverjaland undir sovésk áhrif og varð kommúnistaríki. Uppbyggingin snerist því ekki bara um viðgerðir heldur líka um nýja hugmyndafræði:
- stór blokkahverfi voru byggð fyrir verkafólk,
- iðnaðarhverfi stækkuðu,
- margar gamlar byggingar fengu einfaldari ásýnd,
- og sósíalískur raunsæisstíll varð áberandi í nýbyggingum.
Samt tókst Budapest að varðveita mikið af gömlu miðborginni miðað við margar aðrar borgir í Austur-Evrópu. Þess vegna sérðu í dag: Habsborgaralega stórfengleika, art nouveau hús, sósíalískar blokkir, og mjög nútímalega arkitektúr — allt í sömu borg.
…hér sést hins vegar bara konan inni á hótelinu sínu, enn eina ferðina – en græna hurðin sem er í baksýn er einmitt morgunverðarsalurinn sem þið sjáið hér að neðan…
…um kvöldið fórum við síðan í siglingu á Dóná og horfðum á allar þessar fallegu byggingar upplýstar. En Dóná skiptir borginni í tvo hluta: Pest — flatari og líflegri miðborg. Búda — hæðótt og söguleg,
…hér er síðan morgunverðarsalurinn á hótelinu, en við leyfðum okkur að fara í morgunverð svona seinasta daginn. En þar er um að ræða hlaðborð auk þess sem þú getur pantað þér hvað sem er af matseðlinum…
…seinasta daginn fórum við að skoða Shoes on the Danube Bank sem er eitt áhrifamesta minnismerkið í Budapest. En það var í raun staðsett bara beint fyrir neðan hótelið okkar.
Minnismerkið samanstendur af tugum járnskóa við bakka Dónár og var reist árið 2005 til minningar um gyðinga sem voru myrtir þar í seinni heimsstyrjöldinni. Á árunum 1944–45 framkvæmdi fasíski ungverski hópurinn Arrow Cross fjöldaaftökur við árbakkann:
- fórnarlömbin voru látin fara úr skónum sínum,
- því skór voru verðmæt eign á stríðsárunum,
- og síðan skotin þannig að lík þeirra féllu í Dóná.
Skórnir standa fyrir karla, konur, og börn, og líka bara venjulegt fólk sem hvarf skyndilega úr borgarlífinu.
Minnismerkið er mjög einfalt en þess vegna líka mjög sterkt. Margir skilja eftir blóm, kerti, eða litla steina samkvæmt gyðingahefð.
…eftir það tókum við hring í kringum þinghúsið sem er alveg hreint magnað. Hungarian Parliament Building er eitt frægasta þinghús heims og stærsta bygging Ungverjalands. Það stendur við bakka Dónár í Pest-hlutanum og er líklega helsta tákn Budapest.
Byggingin var reist á árunum 1885–1904 þegar Ungverjaland var hluti af Austurrísk-ungverska keisaradæminu. Arkitektinn var Imre Steindl og stíllinn er fyrst og fremst nýgotneskur, með áhrifum frá: Westminster-þinghúsinu í London, endurreisnarstíl, og miðevrópskum keisaralegum arkitektúr.
Þinghúsið er gríðarlegt: um 268 metra langt, með næstum 700 herbergjum, tugum stiga, og miðhvelfingu sem er 96 metra há.
…hér er verið að ganga síðan út af hótelinu, eftir fyrstu – en alls ekki síðustu heimsókn okkar til Búdapest. Ofsalega falleg borg með merkilega sögu og gaman að sækja heim, yndislegt vorveður og allt í blóma! ♥
ps. þætti ótrúlega vænt um að þið mynduð smella á like-hnappinn ef þið höfðuð gaman af póstinum – það er mér mjög dýrmætt! ♥