Glerskipti…

…það er svo magnað með að búa í húsi að maður er einhvernveginn aldrei “búin” með það. Árið 2020 skiptum við út gleri í velflestum gluggum hérna í húsinu okkar, en það hafði verið verkefni sem staðið hafði til nánast frá því að húsið var keypt 2007. Skipt var um öll gler, nema í borðstofu-og eldhúsglugganum, núna var því komið að því að klára þetta allt saman. Við vorum alveg ótrúlega ánægð með glerið og þjónustuna hjá Íspan þegar við gerðum þetta seinast og því var það ekki spurning að halda áfram að vinna þetta verkefni í samstarfi með þeim…

Skoða fyrri póstinn – smella hér!

Heimasíðan þeirra er líka mjög þægileg og leiðir mann vel áfram varðandi mælingar og annað slíkt – Íspan Glerborg er í góðu samstarfi við fagmenn sem sérhæfa sig í glerjun á tvöföldu gleri í glugga og hurðir og getur því bent á aðila í mælingar á gleri og glerskipti.…

…þegar við skiptum út glerinu seinast þá var eitt af stóru vandamálunum okkar sú staðreynd að við erum með mjög stóra suðurglugga í stofunni og það varð alltaf alveg ofsalega heitt inni í stofu á sumrin þegar að sólin skein. Við fengum því ráðleggingar um að taka sérstakt sólvarnargler í þessa glugga, en það dregur úr hita – og reyndar kulda líka – og það var einmitt það sem við þurftum og hefur gjörbreytt þessu öllu.

Hér sjáið þið gluggana sem snúa í suður, þeir sem eru inni á pallinum eru stofugluggarnir með sólvarnarglerinu – þeir sem eru nær eru borðstofan. Þið sjáið lítinn sem engan mun á glerinu, ööööörlítill grænni blær kannski en það sést ekkert innan frá.

Nokkur atriði sem fólk lærir oft of seint þegar það skiptir um gler:

• Ef það er móða inni í milli glerja, þá er einangrunarglerið ónýtt og þarf yfirleitt að skipta um allt glerið — ekki bara þétta. Við létum bora í versta glerið um 2010 til að “hreinsa út” og það var algjör skyndilausn sem gerði eiginlega bara ekkert – skammgóður vermir.
• Eldri gluggar eru stundum skakkir, þannig að tvær mælingar á sama glugga geta verið mismunandi.
• Þrefalt gler einangrar mun betur, en er líka þyngra.
• Oft er hægt að uppfæra bara glerið og fá miklu betri hitaeinangrun án þess að skipta um allan gluggann.
• Glerlistar brotna stundum þegar þeir eru teknir af, sérstaklega í eldri trégluggum. Ef farið er í glerskipti þá er gott að vera búin að undirbúa nýja lista, grunna þá og mála tvær umferðir.
• Stór gler eru miklu þyngri en fólk heldur — tvöfalt gler getur auðveldlega verið tugir kílóa.

Og mikilvægast:

• mæla tvisvar, panta einu sinni 🙂

Nokkur góð “practical” atriði í viðbót:

• Morgunsólin eða kvöldsólin getur hitað ákveðin gler mjög mikið — stundum borgar sig að velja sólvarnargler.
• Ef það kemur kuldi eða trekkur við gluggann er það oft þéttingin eða stillingin, ekki endilega glerið sjálft.
• Hert gler er oft skylda nálægt gólfi eða í stórum rúðum.
• Nýtt gler getur minnkað umferðahávaða töluvert ef þú velur hljóðeinangrandi gler.
• Gott silikon og rétt klossun skipta meira máli en margir halda — rangt sett gler getur sprungið seinna.
• Best er að skipta um gler þegar veður er þurrt og ekki frost.

Og eitt sem sparar tíma:

• taktu mynd af öllum gluggum + mælingum í símanum áður en þú pantar. Þá ruglast ekkert seinna.

Þegar þú ert búin að panta og allt er tilbúið, þá er hægt að kaupa keyrslu á glerinu heim og það er afhent á svona bretti tilbúið til uppsetningar…

…hér sjáið þið borðstofugluggann okkar og hversu slæmt ástandið var á honum. Það er búið að fjarlægja glerið sem er niðri vinstra megin. En það var móða og brot og bara ónýtt að öllu leyti, enda orginal gler sem var orðið rúmlega 51 árs.

Til þess að skipta út gleri þá mæli ég innilega með að fá fagmenn í verkið eða einhvern sem hefur góða reynslu. Við vorum t.d. með smið í verkinu og það munar öllu að hafa mann sem veit hvað hann er að gera.

Að skipta um gler í gluggum fer yfirleitt svona fram — hvort sem það er sprungið gler eða þú ert að uppfæra í betra einangrunargler:

1. Mæling og mat

• Mæld er stærð glersins nákvæmlega.
• Skoðað hvort skipta þurfi bara um glerið eða líka karm/ramma.
• Athugað hvaða gerð er í dag:
  • tvöfalt gler
  • þrefalt gler
  • hljóðeinangrandi / sólvarnargler o.s.frv.

2. Pöntun á nýju gleri

• Gler er sérsmíðað eftir málum.
• Oft tekur það nokkra daga upp í 1–3 vikur eftir gerð.

3. Gamla glerið fjarlægt

• Glerlistar teknir af.
• Gamla einangrunarglerið lyft út.
• Þéttingar og silikon hreinsað.

4. Nýtt gler sett í

• Nýjar klossanir/þéttingar settar.
• Glerið stillt rétt svo það liggi jafnt og beri ekki skekkju.
• Glerlistar festir aftur og oft silikon eða þéttiefni notað.

5. Frágangur

• Athugað að glugginn lokist rétt.
• Þéttileiki og rakavörn skoðuð.
• Gamla glerinu fargað.

Ef þetta eru eldri gluggar getur líka verið sniðugt að:

• skipta um gúmmíþéttingar
• yfirfara tréverk/aluminium
• meta hvort hagkvæmara sé að skipta um allan gluggann.

ATH mikilvægt er að vera búin að grunna og lakka listana áður en þeir eru settir á!

Það er sem líka gott að benda á að Íspan passar líka upp á mann, og það eru límmiða á glerinu sem stendur ÚT/INN sem er nú voða gott til þess að maður sé viss um að allt sér rétt…

…neðra glerið er nýtt en það efra og opnanlega fagið er gamalt – þvílíkur munur!

…hér er verið að undirbúa að fjarlægja stóra glerið, þið sjáið móðuna þarna efst…

…gott að vera með hrausta menn sem vinna vel saman…

…eruð þið að sjá muninn?

…eitt sem ég vill líka impra á. Þegar hús eru orðin svona gömul þá koma oft í ljós alls konar “syndir” þegar farið að krukka í hlutunum. Sama var uppi á teninginum hér. Í ljós kom að botnspítan í stóru gluggunum var orðin mjög illa farin (rotinn og skemmdur viðurinn) og þarfnast lagfæringar. Nýja glerið var því sett í en það þarf að taka það úr aftur og sponsa gluggann. En það verður efni í annan póst, ef áhugi er fyrir hendi.

1. Fjarlægðu allan rotinn eða skemmdan við.
2. Hreinsaðu og þurrkaðu svæðið vel.
3. Sagaðu nýjan viðarbút í réttri stærð.
4. Límdu og festu nýja bitann á sinn stað.
5. Slípaðu svo allt verði slétt og jafnt.
6. Grunnaðu og málaðu til að verja viðinn.
7. Þéttu með silikon/kítti ef þarf.

Mikilvægt:
Finna þarf orsök rakans svo rotið komi ekki aftur.

…hér kemur mynd sem skellir þessu flestu saman…

…svo segi ég bara njótið dagsins, ég er farin að horfa út um fallegu gluggana mína og njóta þess að það er ekkert brot eða móða sem skyggir á lengur, svo ætla ég auðvitað að kjósa ♥

P.s. Annars langar mig líka til þess að biðja þig, sem þetta lest, að smella á like-takkann ef þú hafðir gaman að póstinum. Að baki flestum póstum liggur margra klukkustunda vinna og mér þykir alveg afskaplega vænt um þessi litlu sætu like þegar mér berast þau.