…staðreyndin er sú að hvorki ég, né eiginmaðurinn, drekkum kaffi. Svo eru alls ekki margar sem drekka kaffi að staðaldri sem eru í heimsókn hérna hjá okkur, þannig að kaupa kaffivél hefur aldrei verið ofarlega á forgangslistanum. En ég lofa sko að við höfum verið að fá lánaða kaffivél fyrir veislur hérna heima 🙂
Svo gerðist það á seinasta ári að ég verslaði inn kaffivél og auðvitað “bráðvantaði” mig þá kaffibolla…
…þannig að ég ákvað þetta væri fullkominn tíma til þess að byrja að safna draumabollunum mínum og hef undanfarna mánuði verið að kaupa mér einn og einn svona við tækifæri. En þetta eru að sjálfsögðu gullfallegu bollarnir hennar Ingu Elínar….
…en samkvæmt þeim sem drekka kaffi þá eru þetta fullkomnir bollar til þess, halda passlega heitu og allt eins og best verður á kosið. Ég er algjörlega að velja þá vegna þess að mér finnst þeir sérstakt augnayndi…
…mínir eru úr gylltu og svörtu línunum, en það eru líka til fleiri týpur:
bláar, svartar með gylltu, hvítar og svo framvegis…
…kaffibaunin í botninum er líka skemmtilegt smáatriði…
…finnst þeir bara svo einstaklega fallegir svona uppstilltir, þeir gleðja mig á hverjum degi…
…gætu líka verið flottir með sprittkertum svona á borðinu…
…ég fæ alltaf svo mikið af fyrirspurnum um hillurnar, en sú neðri fékkst í Tekk en efri var keypt í Maison Du Monde á Spáni…
…ég sá síðan þessar tvær týpur í netverslun Söstrene, þær eru svona svipaðar ef einhver er að leita – og það góða við svona vírhillur er að það er súper einfalt að spreyja þær í hvaða lit sem hentar…
Vegghilla í gylltu – smella hér!
Vegghilla í sæbláum lit – smella hér!
…vona að þið eigið yndislegan dag ♥
P.s. ykkur er alltaf frjálst að deila póstinum og ef þið smellið á like –
þá verð ég sérlega glöð og kát í hjarta ♥