…tíminn æðir áfram og allt í einu er daman okkar að ljúka sinni menntaskólagöngu og orðin stúdent. Hún sem fæddist í fyrradag og fermdist í gær. Óskiljanlegt! En svona er þetta og það er enginn sem spyr hvort að maður sé tilbúinn, þetta bara gerist.
Ég verð auðvitað að byrja á að deila myndum af fallega stúdentinum okkar, sem fyllir okkur af stolti alla daga, ekki bara á þessum fallega merkisdegi ♥
…ef skoðum aðeins tímalínu dagsins, þá var útskriftin sjálf kl 13. Þannig að við þurftum að vera mætt með stúdentinn okkar á svæðið rétt um kl 12:30. Þannig að bóndinn sótti veitingarnar um morguninn, og við settum bara í kalda geymslu. Athöfninni lauk síðan um kl 15, og myndataka eftir það. Við þurftum að sækja hluti á tvo staði og vorum loks komin heim um kl 16. Það var á þessari stundu sem ég var þakklát fyrir að hafa ýtt veislunni til kl 17 en ekki kl 16 eins og upphaflega stóð til. Guði sé lof!
Þar sem þetta var kvöldveisla þá var ákveðið að panta veitingar, og strax kom ekkert annað til greina en að Veisluréttir Hagkaupa þar sem við vorum svo ótrúlega ánægð með veitingarnar í fermingarveislunni (sjá hér). Ég breytti samt aðeins til, þar sem þessi veisla var seinna um daginn og gestirnir voru færri.
Hagkaup Veisluréttir – smella hér til að skoða!
Ég ákvað að vera ekki með eins mikið að smurbrauði og velja í raun frekar matarmeiri bita. Það er mjög þægilegt að fara í gegnum ferlið á heimasíðunni þar sem þú velur bara hvað hentar þér, því að úrvalið er gríðarlega fjölbreytt og gott:
Það sem mér þykir oftast erfiðast er að ákvarða magnið og ég skoðaði eins og áður hjá Leiðbeiningastöð heimilana og þar eru þessar upplýsingar:
Þannig að best þykir mér að byrja á að ákvarða hvaða rétti ég vil nota, gæta þess að hafa magnið með í pælingunum, svo að raða þessu niður þannig að það sem þú veist/heldur að sé vinsælast, hjá okkur borgarar og kjúklingaspjót, að það sé mest af því. Eins er gott að hugsa það að sumir bitarnir, eins og taco eru t.d. alveg tveir bitar í raun. Við enduðum með að kaupa:
Ég er samt alltaf týpan sem er stressuð um að vera með of lítið, og við enduðum á að vera með tæpa 15 bita á mann, miðað við 55 gesti. Þannig að við vorum með aðeins of mikið, en þó. Það kláruðust öll kjúklingaspjótin, megnið af grænmetissushi, og hamborgarar að mestu leyti. Við vorum pottþétt með einum of mikið af bökkum með smáborgurunum, þar hefðu þrír bakkar alveg dugað.
Þegar við komum heim úr athöfninni þá var ég búin að gera öll föt tilbúin á borðinu, með miða um hvað átti að fara á hvaða fat og þetta flýtti ótrúlega fyrir. Mæli með að vera búin að hugsa þetta svona.
…eins var auðvitað búið að setja blóm og gera allt svona tilbúið áður…
…eftir smá maraþon session til þess að koma öllu fyrir þá leit borðið okkar svona út. En þrátt fyrir að réttirnir komi á flottum svörtum bökkum, þá þykir mér alltaf fallegra að stilla þessu svona upp. Auk þess sem að þriggja hæða diskarnir gera mannig kleyft að nýta plássið svo vel…
…ókrýndur sigurvegarinn voru kjúklingaspjótin, ég held að það sé bara engin takmörk fyrir hversu mörgum spjótm meðalfjölskyldumeðlimur hjá okkur getur torgað…
Satay kjúklingaspjót – smella hér!
…þetta var í fyrsta sinn sem ég hef sushi í svona veislu og það mældist mjög vel fyrir. Sérstaklega grænmetissushi-ið, en það eru þó nokkrir sem ekki borða kjöt og þá er geggjað að finna spennandi kosti fyrir þau…
…við vorum með grænmetissushi og kjúklingasushi…
…það er líka alltaf magnað hversu mikið fegurðargildi er í matnum þegar hann er kominn á borðið…
…við vorum svo með meiri kjúklingaspjót, því það var líka blandaður bakki með spjótum og vorrúllum…
Satay kjúklingaspjót og vorrúllur!
…ég keypti servéttur frá Letterpress í Allt í köku, og blandaði saman Stúdent og Útskrift…
…taco-ið er líka mjög vinsælt, en við vorum með bæði nauta- og kjúklingataco…
…annar réttur fyrir þá sem ekki borða kjöt, Falafelbolurnar…
…seinastir í upptalningunni, en alls ekki sístir eru svo mini hamborgararnir. En ég held að ég geti sagt að grísaborgarinn er vinsælastur, og þar á eftir kemur bacon og jalapeno borgarinn…
Mini hamborgarar – smella hér!
Það er líka ótrúlega einfalt að panta þetta á heimasíðunni, hún leiðir þig áfram og allar upplýsingar um bakkana eru á síðunni, bæði vöru- og innihaldslýsing: t.d. smáborgaranir:
…rétt eins og í fermingarveislunni þá var það umtalað hversu góður maturinn væri og við vorum alveg alsæl með þetta. Falleg og bragðgott, það gerist bara ekkert betra ♥
…rétt náðum að smella nokkrum myndum á milli þess að taka á móti gestum…
…fimm ár á milli, fermingarmynd af okkur mæðgum og svo stúdenta…
…heyrðu það er víst ekki nóg að vera með matinn, það þarf líka eitthvað sætt og gott í smá desert ofan í gestina og þá ræddi ég við mína skvízur hjá 17sortum og þær redduðu okkur auðvitað, enn á ný. En ef þið farið inn á heimasíðuna þeirra þá er alveg sérliður sem heitir Útskriftir – smella hér!
…það eru svo fallegar kökurnar hjá þeim, en svona til að halda í sömu stemminguna og í matnum, þá völdum við svona litla bita og vorum því með mini bollakökur og veislubakka. En eins og ég talaði um á Instagram, þá það næstum vandamál með veislubakkana hversu gott og fjölbreytt þetta er. Það er ekki að duga fólki að smakka 2-3 bita, þá vilja allir prufa allar sortir…
…bollakökurnar eru líka einstaklega fallegar og bara eins og mini listaverk…
…ég setti upp svona eftirréttastöð á hliðarborðinu, og það kom bara vel út og dreifði smá traffíkinni…
…þar blandaði ég saman mini bollakökunum og veislubökkunum, en við vorum með tvo bakka og einn skammt af bollakökum…
…auk þess vorum við með stúdentahúfutertu, en hún bara rann út – ég hefði eflaust getað haft 5 stk og þær hefðu klárast – svooooo góðar! Smella hér!
…enn og aftur, hversu fallegt er þetta nú allt saman…
…við vorum svo með gos og Töst í boði, einnig var hægt að fá bjór og Breezer en það voru fáir sem völdu þann kostinn…
…ræðuhöld og almennir knúsar…
…eitt sem mig langar að mæla með og við gerðum, var að mynda stúdínuna með gestum þegar þeir voru að fara, fengum mjög skemmtilega syrpu út úr því…
…yndislegur dagur að kveldi kominn…
Ég held að þetta sé þá upptalið að mestu, ef þið eruð með spurningar eða eitthvað er óljóst, þá er velkomið að setja spurningar hér fyrir neðan! Annars gætum við ekki verið sáttari, og þakklát fyrir frábæra þjónustu og geggjaðar veitingar ♥
ps. þætti ótrúlega vænt um ef þið mynduð smella á like-hnappinn ef þið höfðuð gaman af póstinum!
Mjög fínt og flott 🙂