…við höldum áfram ferð okkar og yfirgáfum Skagafjörðin í mystískri dalalæðu…
…hérna sjáið þið “Knausinn okkar” í eftirdragi á jeppanum okkar, en við vorum alveg einstaklega ánægð með stærðina á hýsinu. Úr seinasta pósti:
Hjólhýsið sem við fengum lánað heitr Knaus 500 UF Sport og er frá árinu 2023. En það þykir þetta vera eitt af betri hjólhýsunum í þessum stærðarflokki. Það er sérstaklega vinsælt hjá pörum eða litlum fjölskyldum sem vilja rúmgott hýsi án þess að fara upp í mjög stór tvíöxla hýsi. En okkur þótti það líka skipta máli að vera ekki með of stórt hýsi í eftirdragi.
…leið okkar lá svo í Siglufjörðinn fagra, en þar rétt fyrir ofan bæinn gistum við. Mjög falleg tjaldstæði sem heitir Stóri Boli…
…svo verð ég að minnast á hversu mörg falleg hús eru á Siglufirði, alveg hreint dásamlega fögur…
…þarna erum við í byrjun júlí og þið sjáið samt hversu hvít fjöllin eru enn…
…Molinn tekur út tjaldstæðið og aðstæður, mjög alvarlegur varðhundur – og svo heiðarleg útilegupylsa, með kartöflusalati og piparsósu…
…og þið vitið alveg hreint hvert við erum komin þegar ljósin verða að hjörtum – mætt á Akureyri, og þar var önnur pylsa, í þetta sinn með kryddi, hamborgarasósu, osti og frönskum…
…við gistum að vanda á Hömrum, en þar eru svo margar fallegar gönguleiðir um Kjarnaskóginn. Tjaldstæðið er ca 10 mín frá miðbænum…
…við gerðum heiðarlega tilraun til myndatöku, látum þetta duga 🙂
…svo var líka tekið eitt mjög svo langt og heiðarlegt Monopoly-spil þar sem við lögðum undir fasteignir eins og enginn væri morgundagurinn…
…blómaskreytar finna sér eitthvað til dundurs og gera blómakórónur svona inn á milli – svo verð ég að mæla með Holtselsísnum, en hann er alveg æðislegur…
…tókum síðan einn góðan rúntdag þar sem við byrjuðum á að skoða Goðafossana. En þeir eur sagðir fá nafnið sitt við Kristnitökuna árið 1000 þegar að Þorgeir Ljósvetningaoði hafi tekið goðamyndir sínar og kastað þeim í fossinn til að sýna að hann hafi yfirgefið gömlu trúnna…
…leið okkar lá svo að Mývatni, þar sem fegurðin er alltaf ríkjandi…
…það fórum við upp að Dettifossi, en hann er vatnsmesti foss Evrópu, en það fara um hann að meðaltali um 193 m³ af vatni á sekúndu — sem er gríðarlegt magn. Fossinn er 44m á hæð og um 100m breiður…
…stórbrotið landslag og skýjamyndirnar gáfu því ekkert eftir…
…fjalladrottningin Herðubreið tók líka á móti okkur og var með þennan skemmtilega skýjahatt á toppnum…
…við stoppuðum svo í smá lautu og leyfðum strákunum okkar að hlaupa smá og leika sér, og myndataka fyrst að sólin skein…
…dinner var svo tekin á Greifanum og þá þótti víst vert að minnast á að ég gekk að Dettifossi á “hælum” en ég tel þetta nú bara vera gönguskó sko 🙂
…ég átti líka eftir að sýna ykkur þetta snildlar grill og borð sem við fengum líka í Útilegumanninum, en þetta er því líkt handhægt og sniðugt. Grillið heitr O-grill og er stórt fyrir ferðagrill, eða sko stór grillflötur en fer lítið sem ekkert fyrir því. Borðið er t.d. sett upp með einu handtaki…
O-Grill – smella hér til að skoða!
Borð fyrir O-Grill – smella hér!
…við vorum líka með þrjá frábæra stóla og borð meðferðis, og allt þetta komst auðveldlega fyrir í geymslurýminu undir rúminu…
…og eins og sést þá fór vel um bæði hunda og menn…
…allt svo hentugt og þægilegt, tröppur upp í hýsið sem fer ekkert fyrir og svo stöðugar…
…verð síðan að deila þessum myndum sem ég tók í Blómabúð Akureyrar, svo fallegt…
… og á heimleið eftir frábæra ferð ♥
ps. þætti vænt um að þið mynduð smella á like-hnappinn ef þið höfðuð gaman af póstinum og ekki væri nú verra að heyra aðeins frá ykkur!