…það er svo gaman að segja frá og sýna ykkur tvær vinkonur mínar í póstinum í dag. Annars vegar barst mér pakki inn um lúguna sem reyndist vera frá elskunni henni Ragnhildi Jónsdóttur&co, og hins vegar fór ég í árlegan leiðangur í einn af mínum eftirlætisstöðum og fékk mér jólatrén fyrir árið í ár. En þetta er orðin hefð að fá mér tré hjá henni Guðbjörgu í Ker á hverju ári ♥
…dásamlega merkið Jónsdóttir & co er svo yndislegt merki, en ef að þið ímyndið ykkur allan hamaganginn og leiðindin sem geta verið á netinu – þá er Jónsdóttir lítil dásamleg laut, full af fegurð og yndislegheitum. Eiginlega bara paradísarlaut…
…merkið er hugarfóstur yndisvinkonu minnar, Ragnhildar Önnu Jónsdóttur, sem að sinnir því af sinni einstöku umhyggju. Þetta er í raun barasta, eins og hún segir, pínulítið krúttmerki en hún er með netsölu í gegnum skilaboðin á Facebook-síðu merkisins:
Jónsdóttir & co – Instagramsíða
Jónsdóttir & Co – Facebooksíða
…en í póstinum leyndist nýjasti löberinn frá henni Ragnhildi, sem á stendur Desember…
…og það er svo dásamlegt að sjá alla alúðina sem er lögð í hverja pöntun og hvert smáatriði. Hver einasta sending frá henni, hvort sem hún fer í póst eða er sótt í Ungfrúnna góðu er pakkað inn af natni og því eruð þið hreinlega með gjöfina tilbúna í höndunum til þess að gefa áfram og gleðja!
…en áður en ég sýni ykkur löberinn, þá langaði mig að sýna ykkur Ker trén mín dásamlegu…
…ker er staðsett í Mávahlíð 16 í Reykjavík, og þetta er í litlum bílskúr en vel merkt. Þetta er bæði vinnustofan hennar Guðbjargar og svo líka verslun. Það er opið alla daga til jóla frá 12-18…
ker., sem eru hreint dásamlegar postulínsvörur hannaðar af Guðbjörgu Káradóttur, og er hér um að ræða bolla, vasa, skálar og kertastjaka, og það sem mig langar sérstakleg að beina sjónum mínum að – dásamlegu jólatrén hennar…
…ég er búin að vera að safna trjánum núna í nokkur ár og elska þau heitt og innilega, held að þetta sé bara uppáhalds jólaskrautið mitt núna…
…jólatrén eru gerð ýmist úr steinleir eða postulíni. Koma því í mismunandi áferðum: glansandi hvít postulínstré og mött hvít, svört glansandi steinleirstré, mött brúnleit steinleirstré og svo öskutrén, sem koma í yrjóttri áferð…
…ef ykkur langar að finna eitthvað spes í jólagjöf, íslenska hönnun sem er alls staðar til prýði – þá mæli ég svo sannarlega með að skoða fallegu vörurnar frá ker♥
Heimasíða ker. – smella hér!
Facebooksíða ker. – smella hér!
…og hér sameinast þetta svo heima hjá mér…
…en mikið sem þykir þetta dásamlega fallegt, og svo þekkjandi þessar yndislegu konur sem standa á bakvið merkin þá er ég ennþá ánægðari með þetta…
…algjörlega fullkomið að mínu mati!
…og núna þið vitið af Jónsdóttir&co og Ker ef þið eruð að leita að fallegri jólagjöf sem er svo sannarlega unnin af ástúð og alúð. Íslensk hönnun sem er alls staðar til prýði – þá mæli ég svo sannarlega með að skoða fallegu vörurnar frá ker og Jónsdóttir&co ♥
ps. það þarf enginn að vera hræddur við að smellá á Like-arann, og svo er alltaf frjálst að deila póstunum ef ykkur langar!