…um daginn brá ég mér í fallegu Strand49 sem er í Strandgötunni í Hafnarfirði. Búðin er alveg sérlega falleg og ég mæli svo sannarlega með að kíkja við, það er sko algjörlega þess virði…
…en ástæða þessarar heimsóknar var sú að ég var búin að vera að skoða Stacker skrínin þeirra á netinu í ansi langan tíma og fannst vera komin tími til að láta verða af þessu – en þetta er svo sniðug gjöf, hvort sem er fermingar eða bara almenn…
…en skrínin koma í nokkrum litum: svört, hvít, bleik, taupe, mink og burgundy. Einnig koma þau í fleiri stærðum, og svo má finna ferðaskrín í sama stíl…
…snilldin er svo að þú raðar þessu saman algjörlega eftir hentugleika. Ef þú þarft að bæta við, þá er bara að kaupa aukabox og því er þetta skartgripaskrín sem getur vaxið með þér og þínum gersemum – alveg brilliant…
…þetta er svo snjallt fyrir þá sem elska að koma góðu skipulagi á safnið sitt, og ég var algjörlega heilluð af þessu…
…en ég fékk að prufa þrjá liti með mér heima: taupe, mink og hvítt…
…bara svona til þess að sjá þetta í rýminu og hvað væri að passa betur inn hjá mér, en ég valdi að lokum dekkra skrínið…
…en það er líka hægt að blanda saman litum og leika sér með þetta bara að vild…
…að mínu mati er þetta fullkomin fermingargjöf, hægt að gefa bara 1-2 box og svo er alltaf hægt að bæta við síðar. Sjálf er ég með fimm box í mínu safni, og þaðan af tvo með 25 hólfum – en það er svo þægilegt fyrir festar og t.d. eyrnalokka.
Sjáið þið bara, þetta er allt þrælskipulagt núna ♥
ps. þætti ótrúlega vænt um að þið mynduð smella á like-hnappinn ef þið höfðuð gaman af póstinum – það er mér mjög dýrmætt! ♥