…ég hef sýnt ykkur frá því áður þegar við gerum búðina hans Bubba Morthens í Kringlunni. En hann er að gefa út fallegu textaverkin sín fyrir jólin og er búðin sett upp til þess að afhenda þau. Þess ber að geta að verkin eru seld inni á Bubbi.is og er mikið uppselt, en einhver eru enn til!
Í þetta sinn erum við komin aftur í Kringluna, en við vorum þar 2022 þegar við settum upp “Bubba-búðina” í fyrsta sinn. En núna erum við hjá Eymundsson og Bónus, við World Class innganginn. Áður var Spútnik í þessu húsnæði og við vorum ótrúlega heppin að fá þetta húsnæði í annað sinn.
Hér sést húsnæðið áður…
…fyrsta sem fór inn var “stóri Bubbi”, úr Borgarleikhúsinu – en hann setur alltaf sterkan svip á búðina…
…svo var það aftur gamla borðstofuborðið okkar, alltaf gott að eiga þau á lager – og þar er góður staður til þess að raða upp myndunum til þess að ákveða hvernig þær ættu að raðast inn…
…þetta snýst bara um að gera fallega umgjörð í kringum þessi fallegu verk…
…en öll verkin eru gefin út í númeraröð og einstök, sama verkið verður ekki gefið út aftur. Eins eru þau árituð og númeruð af Bubba sjálfum…
…minni textaverkin koma bæði í hvítu, og litum…
…glugginn sem við gerðum án þess að kaupa neitt, nema geggjuðu stóru jólabjöllurnar…
…fyrir ykkur sem eruð áhugasöm þá fást einhver verk ennþá inni á Bubbi.is – smella til að skoða!
…séð svona yfir búðina til vinstri…
…og svo til hægri…
…myndirnar sem eru í hillunni eru þær sem enn eru til sölu að hverju sinni…
…svo eru það stóru myndirnar – sem eru hver annarri fallegi í ár…
…það er svo mörg falleg verk – og alltaf mikið fallegri þegar maður sér þau með eigin augum…
..það eru einhver verk enn til sem verður hægt að kaupa beint í versluninni, á meðan birgðir endast…
Bubbi mun opna tímabundna verslun í nóvember í Kringlunni þar sem textaverkin verða afhend. Opið verður þrjár helgar í bubbi.is sem er staðsett á annarri hæð Kringlunnar, á milli Penninn Eymundsson og Lindex.
Opnunartímar í bubbi.is
Önnur helgin 21 – 23 nóv
Föstudagur 21.nóvember kl.12.00 – 18.00
Laugardagur 22. nóvember kl.12.00 – 18.00
Sunnudagur 23.nóvember kl.12.00 – 17.00
LOKADAGUR
Laugardagur 29. nóvember kl.12.00 – 18.00
…vona að þið eigið yndislega helgi framundan ♥
ps. það þarf enginn að vera hræddur við að smellá á Like-arann,
og svo er alltaf frjálst að deila póstunum ef ykkur langar!