Sumarpartý…

…það er svo dásamlegt að gera sér dagamun þessa daga þegar við njótum sólar, hvort sem það er að fara í útilegu, hafa smá garðpartý eða bara njóta í pottinum (sem ég á eftir að eignast). En ég var einmitt að þvælast í Krónunni og rakst á svo falleg plastglös, og servéttur, sem mig langaði að deila með ykkur einmitt í þessum tilgangi…

…glösin koma auðvitað í þessu klassíska glæra útliti en svo eru til svona fallega pastelbleik á litinn sem að heilluðu mig alveg svakalega…

…sjáið þið bara hversu falleg þau eru…

…ég blandaði þeim líka saman hérna, glærum og bleikum, en það er hægt að fá vínglös, vatnsglös og kampavísglös í þessari línu…

…það voru margar fallegar servéttur, eins og alltaf í Krónunni, en þessar brúnu með sumarblómunum voru í uppáhaldi hjá mér…

….þær gáfu mér líka innblástur til þess að gera klaka í stíl, en eftir á fékk ég upplýsingar um að sóleyjar séu alls ekki til þess að borða, þannig að hafið það í huga!

…og týndi bara til nokkur blóm úr garðinum og setti í klakabox…

…eins og kannski sést þá var ég mjöööög óþolinmóð og hér er klakinn eiginlega bara hálffrosinn – en þetta kom alveg gríðarlega fallega út og geri svo mikla stemmingu…