…að fá draumaplanið okkar, og í raun bara gjörbreyta allri ásýnd hússins var hellings ferli. Í heildina tekið var þetta um ár, frá því að við fengum teikningar í hendurnar, búin að tala skipuleggja allt með BM Vallá, og þar til við stóðum á nýju plani með allt reddí! En vinnan sjálf var um 7 vikur, með smá fríi fyrir langri verslunarmannahelgi, með verktökunum hjá Gullregni. En þetta gekk vonum framar og útkoman var eftir því! Það er samt skemmst frá því að segja að húsið okkar lyftist hreinlega yfir á hærra plan (pun intended) við þetta. Skyndilega varð húsið eitthvað bara hærra og reisulegra og við gætum ekki verið ánægðari með þetta allt
Ef við minnum okkur á hvernig þetta var áður en við fórum af stað:
…og útkoman varð hreint út sagt betri en við gátum gert okkur í hugarlund!
Þið getið skoðað alla póstana um þetta og séð fleiri myndir – með því að smella hér!
BM Vallá er að bjóða 20% afsláttur af flestum sorptunnuskýlum, hurðum, lokum og pumpum, þegar verslað er í gegnum vefverslun. Einnig bjóðum við upp á fría heimsendingu á stór-höfuðborgarsvæðinu (*101-116 Rvk, 170 Seltjarnarnes, 190 Vogar, 200-206 Kópavogur, 210-225 Garðabær, 220-221 Hafnarfjörður, 270 Mosfellsbær, 230-260 Keflavík, Njarðvík og nágrenni, 300 Akranes, 800 Selfoss og 810 Hveragerði).
Á öðrum stöðum á landinu sér Eimskip um flutning á skýlunum og afhendir þau á starfsstöð sinni víðsvegar um landið. Hægt er að sjá flutningskostnað út á land í vefverslun BM Vallár þegar gengið er frá pöntun.
Ég ákvað því að gera sérpóst um sorptunnuskýlin!
Smella hér til að skoða!
….þegar við fórum í framkvæmdirnar utanhús fyrir tveimur árum, þá var algjörlega eitt af “stóru” málunum hvar við ætluðum að hafa sorptunnurnar. Sem þá voru reyndar bara tvær, en hafði fjölgað yfir í þrjár þegar að framkvæmdir höfðust. Eins og þið sjáið hérna þá voru þær alltaf bara staðsettar upp við húsvegg, ekkert sérlega fagurt og ávalt sýnilegar sem var mjög leiðinlegt að mínu mati…
…eftir alls konar vangaveltur og pælingar þá varð úr að þær myndu standa við innganginn heim að húsi…
En að við myndum “fela” þær að einhverju leyti með tréverki sem myndi svona draga úr sýnileika þeirra og gera þær meiri huggó…
…þessi lending varð eftir að við höfðum skoðað ýmsa aðra staði, ma að hafa þær til hliðar við bílskúrinn og líka í beðinu sem sést miðsvæðis á þessari mynd…
…svona til þess að átta sig betur á þá sést hérna yfir planið, séð frá bílskúr…
…svo hófust framkvæmdir með tilheyrandi brambrolti og auðvitað fyrst niðurrifi og að fjarlægja það sem þurfti (gróður sem var orðinn úr sér genginn og slíkt)…
…en því meira sem ég horfði heim að húsi því minna langaði mig að horfa beint á tunnurnar, það var bara alveg ómögulegt að mínu mati…
…við ákváðum þá að setja þær út á bílaplan, upp við bakgarð nágranans og leggja á okkur einhver 40 skref til þess að fara út með ruslið – við höfum nú bara gott af því, ekki satt?
Eins og sést hér, þá voru settar hellur undir skýlið og beðið var ekki fullhlaðið fyrr en skýlið kæmi á sinn stað. Eins tók ég aðra skyndiákvörðun og ákvað að vera með pláss fyrir fjórar tunnur – bara svona til öryggis…
…það var því mikil spenna og taugatitringur þegar að komið var með skýlið og að horfa á þetta fljúga yfir á sinn stað. Hraustir menn sem komu því á sinn stað, og svo snilld – að við gátum boltað vegginn aftan á skýlið sem gaf honum aukastyrk…
…taadaaaaaaaa – það er svo gaman að sjá þessa hluti verða að veruleika…
…auk þess get ég sagt ykkur að aukaskýlið hefur nýst vel fyrir útiluktir og annað slíkt í versta rokinu núna í vetur…
…þolinmóður eiginmaður lætur eftir óskum óþolinmóðar eiginkonu sem þarf alltaf að fá að sjá hvernig þetta kemur út, bara aðeins…
…en mér fannst þetta verða svo glæsilegt eftir að við bárum á hurðarnar og lokin, þannig að þetta var orðið alveg í stíl við vegginn og restina af plássinu…
…það er auðvitað ekkert möst að bera á hurðarnar, en ég hefði ekki vilja sleppa því hjá okkur…
…og glæsilegt var svo sem ekki orð sem ég átti von á að nota um ruslaskýli, en geri þá óhikað núna ♥
P.s. ykkur er alltaf frjálst að deila póstinum og ef þið smellið á like –
þá verð ég sérlega glöð og kát í hjarta ♥