Útstillingar í Rúmfó…

…þessi tími líður svo hratt og það var aftur komin tími á að endurraða í frontinum í Rúmfó á Smáratorginu. Við vorum með fermingartímabilið sem framundan er í huga og svo langaði mig bara að kalla smá á vorið með því að hafa þetta létt og ljóst, og bleikt – ég var í bleiku skapi.

Þannig að ég safnaði saman hinu og þessu í bleikum lit, og þetta er eitthvað svo sérstaklega mjúkur og fallegur bleikur tónn, gaman að nota hann…

…og útkoman varð mér alveg að skapi – ég komst í smá vorfíling…

…það er alltaf svoldið gaman að horfa svona á muninn á milli fyrir og eftir…

…en hér erum við með stærri útgáfuna af bleika bangsastólnum, ásamt skemli, og hann er svo djúsí og fallegur…

…þessir skápar hafa verið mjög vinsælir í krakka og unglingaherbergin, og það eru nokkrar útgáfur af kommóðum í stíl. Eins finnst mér þessi bleiku eucalyptusblóm í bastpottunum alveg draumur…

…hér sést enn önnur útgáfan af kommóðu í stíl, og þessar hillur eru líka snilld. Þær eru fyrirferðalitlar, dýpstar að neðan og mjókka síðan upp, þannig að þær eru alveg kjörnar í krakkaherbergin…

…er að fíla svo vel að setja þessa tvo mynstruðu vasa saman. Þeir harmonera svo fallega saman, og svo að blanda saman bleiku ofan í setur alveg punktinn yfir i-ið…