…mér finnst gaman að nota þennan miðil minn til þess að beina sjónum mínum, og þar af leiðandi vonandi ykkar líka, að litlum verslunum og hönnuðum, og vonandi að kynna ykkur fyrir einhverju nýju og spennandi.
Þessir póstar eru unnir af mínu frumkvæði og einfaldlega vegna þess að mig langar að dreifa með ykkur því sem mér þykir fallegt.
Í dag mig að segja ykkur frá DayNew, sem eru hreint dásamlegar postulínsvörur gerðar af henni Dagný Gylfadóttur, og er hér um að ræða kertastjaka, vasa, diska og bara svo margt fleira sem hún gerir af einstakri snilld…
…ég sýndi ykkur frá Íshúsinu fyrir nokkrum árum (sjá hér) og þá varð ég fyrst heilluð af fallegum hlutunum hennar Dagnýar. Svo um daginn þegar við vorum að taka upp Miu-þáttinn þar hittumst við aftur og tókum spjall saman…
…þetta er náttúrulega bara eins og pasteldraumur…
…og einstaklega fallegir svona gullsleggnir með…
…það er hægt að velja á milli nokkurra stærða, og lita….
…en vasarnir eru að njóta sín líka einstaklega vel grúbbaðir saman í sama lit…
…og líka þegar þeir eru ólíkir að lit, og lögun…
…kertastjakarnir Fjalladrottningarnar eru nýjir og þeir eru hreint geggjaðir…
…en þeir eru til gylltir og í svona svarsilfruðu sem er mjög töff…
…þið sjáið seinni litinn hérna, og hann er æðislegur með t.d. bláu litunum…
…með fjalladrottningastjökunum er líka æðislegt að stilla upp smáfjöllunum, en þessir litlu vasar er svo skemmtileg viðbót…
…hún hefur líka verið með þessa gullfallegu stjaka fyrir sprittkerti (held að þeir sé nánast uppseldir fyrir jólin)…
…og svo eru kaffibollarnir alveg einstaklega fallegir…
…þessi litur…
…þessir diskar á fæti eru líka dásemd, ekki sammála!
…ég sé eiginlega alveg fyrir mér að þessir væri æðislegir með t.d. Mávastellinu…
…postulínsstjörnur finnst mér líka einstaklega heillandi…
…td. fallegt að nota þær eins og litlar undirskálar fyrir kaffibollana…
Keramikið frá Daynew fæst á www.kaolin.is,
Kaolin Skólavörðustíg 5,
Hrím Kringlunni,
og Íshúsi Hafnarfjarðar – Vinnustofa
Þið getið fylgt DayNew á Facebook með því að smella hér!
Það er líka hægt að versla vörurnar í vefverslun Kaolín.is með því að smella hér!
…ég var svo heppin að hún Dagný gaf mér tvo stjaka og vasa, og ég verð að viðurkenna að ég er alveg heilluð!
…var alltaf að færa þá til hérna heima og prufa hvar mér þætti þeir bestir…
…sem er svo til ómögulegt að velja, því þeir eru alls staðar fallegir…
…þannig að ef ykkur langar að finna eitthvað spes í jólagjöf, íslenska hönnun sem er alls staðar til prýði – þá mæli ég svo sannarlega með að skoða fallegu vörurnar frá DayNew ♥
ps. það þarf enginn að vera hræddur við að smellá á Like-arann, og svo er alltaf frjálst að deila póstunum ef ykkur langar!