…vá ég held að það séu fimm ár síðan ég fór að tala um að endurnýja sófasettið okkar í stofunni. Ekki það að mér þykir okkar “gamla” ennþá mjög fallegt og þægilegt, en það var bara ekki að henta okkar þörfum lengur. Allir orðnir eldri og stærri, bæði stórir og smáir 🙂 Ég er búin að vera að leita að nýju setti og hef ekki fundið sem tikkaði í öll boxin fyrr en nú…
…og loks var komið að því að skilja við þennan gamla vin, gömlu vini og hefja nýtt tímabil í stofunni, ef svo má að orði komast…
…svo var það að þeir mætti, þessir nýju og við vorum mjög spennt að taka þetta allt saman upp og sjá útkomuna…
…en sófinn sem varð fyrir valinu er frá Húsgagnahöllinni og heitir Nelson. Almennt fæst hann í stærð sem heitir 3,5 sæta, og er þá 244cm að breidd. En mig vantaði að hafa hann aðeins styttri við enda stofunnar og lét því sérpanta fyrir mig 2,5 sæta sem er rétt um 200cm að breidd. Auk þess fékk ég Höllina til þess að panta inn hægindastólinn með örmum, því mér fannst það alveg möst!
Liturinn heitir Hevre Beige ljós, og er ótrúlega fallegur og yrjur í efninu!
…hér sjáið þið síðan hvernig hann kemur út – en við bættum líka við stórum skemil, eins og sést.
Liturinn Hevre ljós beige er alveg hreint dásamlegur. Hann virkar alveg ljós þegar þið horfið á hann svona, en í raun er hann yrjóttur, með brúnu og smá gráum yrjum…
…eins og sést þá er settið töluvert stærra en það sem var fyrir, en við erum líka komin með tvo karlmenn sem eru um 2m og þeir eru alsælir að passa núna í stófana :)…
…minni sófinn stendur við vegginn undir myndinni…
…skemillinn er snilld, því hann er að þjóna ýmsum hlutverkum – það má ýta honum að sófanum undir glugganum eða að hægindastólnum og þá eru við komin með L-sófa eða legubekk…
…hægindastóllinn er svo góður, og er að rúma vel tvo saman…
…eins er séns að hafa hægindastólinn við sjónvarpsskápinn, og breyta þannig aðeins til…
…og næsta vers er að fara að hengja á þennan stóra tóma vegg, sem var einmitt að hinkra eftir sófunum og að þeir væru komnir…
…þar sem að sófasettið er stærra þá virkar myndin hans pabba minni, en hún er alltaf jafn falleg og ég get ekki hugsað mér stofuna án hennar…
…og enn er nóg af plássi til hliðar við sófana…
Þið getið smellt hér til að skoða fyrri stofupóstana!
…alsæl og himinlifandi, nú vantar mig reyndar örlítið stærri mottu – en það er allt í lagi, því við erum alltaf að aðlaga heimilið betur að okkur og bæta! ♥
ps. þætti ótrúlega vænt um að þið mynduð smella á like-hnappinn ef þið höfðuð gaman af póstinum – það er mér mjög dýrmætt! ♥