…eru staðsett í Hlíðarsmára og þar eru þau með þjónustu fyrir barnshafandi konur, sónarskoðanir, auk þess að vera með meðgöngunudd sem og almennt nudd. Meðal þess sem boðið er upp á eru námskeið fyrir pör. Hún Elín sem er eigandi hafði samband við mig í fyrra og bað mig að aðstoða við uppfærslu á rýminu þeirra. Mála og gera enn hlýlegra og uppfæra þau húsgögn sem voru komin á tíma.
…við skeggræddum þetta fram og til baka og það er ýmislegt sem plássið þarf að uppfylla. Það þarf að vera sæti fyrir í það minnsta 6 pör þegar námskeið eru haldin, húsgögnin þurfa að þola misjafna umgegni, en mest langaði okkur að gera allt meira notalegt og heimilislegt.
Fyrsta moodboardið sem við vorum að skoða var á þessa leið, því við vorum svo mikið að hugsa létt og ljóst. En fljótlega urðum við sammála um að ljósir sófar og mikil umgegni væri eflaust ekki gott plan til lengri tíma litið.
Þá sýndi ég henni þessar hérna tvær myndir – og það er alltaf svo frábært að finna svona myndir sem tala til manns. Það er ekkert verið að gera eins, heldur er þetta innblástur og sýnir svolítið tilfinninguna sem maður er að leita eftir. Við fórum því í grænan lit á valda veggi og að finna leðursófa í koníakslit…
Hér eru þau helstu húsgögn sem valin voru,
en ég mun setja inn annan póst með öllum upplýsingum og hlekkjum en flest húsgögnin eru frá Húsgagnahöllinni…
og úr varð að mála veggina í setustofunni í fallegum grænum lit en restina í mjúkum beige tón…
…ég ætla að setja inn hérna nokkrar myndir og svo verða fleiri myndir og upplýsingar í næsta pósti…
…það var svo magnað að ég keypti nánast ekkert af smáhlutum eða skrautmunum, heldur náðum við að nýta það sem til var fyrir með smá lagfæringum…
…gardínurnar gjörbreyttu líka öllu rýminu…
…er svo hrifin af þessu hlýlega hnotuútliti…
….nokkrar fyrir og eftir myndir, hlið við hlið…
ps. þætti vænt um að þið mynduð smella á like-hnappinn ef þið höfðuð gaman af póstinum og ekki væri nú verra að heyra aðeins frá ykkur!