…það er svo ótrúlega mikil framför í gangi með myndvinnslu með AI núna. Auðvelt að láta breyta myndum, og jú – þá í raun að falsa myndir, og það þarf svo sannarlega að fara með þetta. Eitt af forritunum sem ég hef verið að prufa heitir Pixtuner. En þá setur þú inn svarthvíta mynd og forritið litar hana fyrir þig. Þori auðvitað ekki að fullyrða að þetta sé “eins” og það var í alvörunni – en í það minnsta er gaman að sjá fortíðina lifana svona við fyrir augunum á manni og fá að kíkja aðeins til baka!
Hér er hann pabbi, hann var fæddur 1935 og ég giska því á að myndin sé tekin ca 1937-38
Mamma lítil hnáta, fætt 1937 og myndin sennilega ca 1940-41. Takið eftir slaufunni!
Afi minn Jökull Pétursson var fæddur 1908. Mér þykir smá erfitt að henda reiður á hversu gamall hann er á þessari mynd en líklegast er hún tekin í kringum 1930. En mér þykir hins vegar einstaklega skemmtilegt að sjá hann svona í lit.
Pabbi og afi í veiðiferð. Guttinn gæti verið um 6-8 ára.
Afmælisveislan hennar mömmu, þegar hún var – að mér minnir – 10 ára. Tekin 1947 ef svo er.
Pabbi minn á menntaskólaárunum, tekið ca 1950-51.
Mamma, um það leyti er hún fékk bílprófið, ca 1953.
Þessi mynd þykir mér alveg einstaklega skemmtileg í lit. Konan sem trónir þarna efst er hún amma mín, Guðrún Ólafsdóttir. Ég hef aldrei séð myndir af henni, aðra en þessa, áður en hún varð móðir og var í einhverskonar umönnunarhlutverki á mynd, með svuntu eða að hugsa um aðra. Þarna stendur hún eitthvað svo skelegg og ánægð með sig og lífið, það þykir mér æðisleg. Smávaxni, snaggaralegi maðurinn sem er annar frá hægri í neðri röð er svo hann afi minn, Jörgen CC Nielsen. En þarna eru þau greinilega í tilhugalífinu og ég er svo hrifin af þessari mynd. Getum við líka tekið smá móment og dáðst að því hvernig fólk klæddi sig, það eru allir svo flottir í tauinu!
Núna dettum við lengst aftur í tímann, en hér er danska langamman mín. Mamma hans afa, og það var merkilegt að sjá hana “lifna við”.
Hér er svo langafinn, sem dó þegar afi var bara lítill snáði – þannig að þessi mynd er vantanleg frá ca 1890.
Hér sést síðan skreytiskjóðan sjálf, jól ca 1980 – er þetta nóg af skarti?
Ég er svo spennt að sjá fólkið fara yfir í lit og verða mikið raunverulegra!
Við systurnar á Spáni
Elska þessa, mamma og systur hennar á skíðum – í skyrtm og peysum – svo dannaðar.
Hvernig eruð þið að nýta ykkur þessa tækni, hafið þið prufað að “leika” ykkur með þetta?
