Enn og aftur…

…árið 2016 rakst ég á mynd af fallegu gangaborði á Facebook-síðu hjá Nytjamarkaði á Akureyri. Ég hringdi og keypti borðið, og fékk það svo sent hingað heim. Maður reddar sér sko!
Borðið hefur því staðið hérna hjá okkur síðan þá og ég er alltaf jafn hrifin af því…

…þið getið skoðað þennan póst með því að smella hér!

…svona lét myndin út á Facebook.
Hefðir þú keypt borðið eftir myndinni að dæma?

…en svo leið tíminn og mig langaði að gera eitthvað aðeins við það – það var nefnilega ekkert sérlega vel málað og ég keypti það í raun til þess að gera það upp og 2018 varð úr að ég málaði það að hluta til…

Smella hér til að skoða málningarpóstinn!!

…og ég var svo ánægð með þessa breytingu, fílaði borðið mikið betur svart…

…en ég er að sjálfsögðu alltaf dulítið óróleg og er að fara í massífar breytingar á heimaslóðum og fyrst varð fyrir barðinu á mér blessað borðið. Í þetta sinn tók ég það með út og ákvað að pússa upp báðar borðplöturnar…

…þetta tók nú alveg dágóða stund og ég var með hristing í hendinni næsta dag líka 🙂 en mjög vel þess virði…

…og þegar allt var komið, þá birtist þessi líka fallegi viður…

…það er nú svo dásamlegt þegar maður er að vinna með svona viðarhúsgögn hvað það er auðvelt að breyta þeim, að mála að pússa að aðlaga það að sínum smekk og umhverfi…

…þið getið smellt hérna til þess að horfa á myndband með ferlinu…

https://www.instagram.com/reel/DNgqIvsM8SI

…ég stefni svo að því að jafnvel dekkja borðplötuna í framtíðinni eða lakka yfir hana með glæru, tíminn leiðir það í ljós…

…hvernig lýst þér svo á? Hvaða útgáfa er þín uppáhalds? ♥♥

P.s. Annars langar mig líka til þess að biðja þig, sem þetta lest, að smella á like-takkann ef þú hafðir gaman að póstinum. Þetta er bara svona eins og að segja góðan daginn með brosi á kaffistofunni – það þarf ekkert, en það kunna allir að meta það ♥