…skyndihugmyndir eru oftast bara mjög góðar. Í vor fengum við hjónin eina slíka, og á sunnudegi var ákveðið að bregða sér til Milanó, Ítalíu, í langa helgarferð. Bara svona við tvö, bullandi rómantík bara 🙂
…þið sjáið upplýsingarnar á þessari mynd en þetta var mjög þægilegur flugtími, bæði út og heim, og við fengum farið á mjög góðu verði. Notumst oftast við Dohop.is þegar við erum að bóka flug…
…pöntuðum hótelið í gegnum Booking.com og völdum fyrst eitthvað sem var smá spöl frá miðbænum en breyttum svo yfir í Uptown Palace, sem var alveg frábærlega staðsett, en var samt ekkert mjög fansí hótel þannig, bara mjög næs…
…hér er útsýnið út um gluggann okkar, lítið húsasund og bara mjög huggó…
…fyrsta kvöldið okkar á Ítalíu og þá meina ég í allra fyrsta sinn, höfðum aldrei komið þarna áður…
…daginn eftir þá var bara að gera sig reddí og halda út í daginn, en í byrjun maí var auðvitað bara komið yndislegt veður og við vorum í 24-25 stiga hita, algjörlega himneskt bara…
…morgunmaturinn gripinn á leiðinni, en eins og glöggir sjá þá erum við hjónin hvorugt í neinni kaffidyrkkju…
…og þarna búin að líta þessa stórkostlegu dómkirkju í fyrsta sinn, þvílíka byggingin sem hún er…
…en við torgið hjá dómkirkjunni, Piazza del Duomo er einmitt Galleria Vittorio Emanuele II sem er elsta yfirbyggða verslunarmiðstöð í heiminu, en húsið er hann að af Giuseppe Mengoni og er byggt á árunum 1865 og 1877. Magnaður íburður og fegurð, og svo ótrúleg framsýni, og öllum þessum árum síðar er þetta enn notað fyrir sömu starfssemi.
…glerloftið er alveg stórbrotið…
…en svo er Ítalía bara svoldið svoleiðis að allt er fallegt, það er svo gaman að labba bara um, nánast án þess að vita hvert þú ert að fara og bara upplifa…
…eins og þessi “litla” kirkja sem við gengum inn á, og nutum þess að skoða…
…þið kannist svo kannski við það að á Spáni og víðar er maður svo oft að leita að góðum ítölskum veitingastöðum, tjaaa þeir eru allir svoleiðis þarna 😀 algjör draumur!
…mætt aftur í verslunarmiðstöðina fögru, reyndar bara til að labba í gegn, en það voru færri þarna inni og við fengum tækifæri til að taka mynd…
…en þarna inni eru bara svona high end búðir, Prada, Dior og svona fínerí…
…svo var komið að því að skoða dómkirkjuna sjálfa, en við bókuðum skoðunnartíma á netinu sem við fundum með einföldu gúggli…
…þegar ég skoða þessa mynd af kirkjunni, þá skil ég ekki alveg hvernig lofthrædda konan fékk þá flugu í höfuðið að þetta væri góð hugmynd…
…en inn fórum við og skoðunnarferðin hefst með því að fara með lyftu upp á þakið…
…þarna var ég enn góð, enda mjög margt að skoða…
…ótrúleg bygging og full af smáatriðum eins og vill vera með gotneskar byggingar. Þeir trúðu svo sannarlega á að meira væri meira og þar af leiðandi betra…
…svo er alltaf jafn magnað að sjá að náttúran finnur sér leið, jafnvel í hæðstu hæðum dómkirkjunnar er farinn að vaxa gróður…
…hér erum við á leiðinni upp á hæðsta punktinn og það var á þessum tímapunkti sem lappirnar voru að gefa sig undir mér. Séð yfir torgið…
…og þið sjáið þarna röðina af fólki eftir mæninum á kirkjunni, hægra megin á myndinni með húsbandinu – þetta var röðin niður af þakinu og ég gat ekki staðið í henni sökum lofthræðslu…
…myndi algjörlega segja að maí og t.d. september séu fullkomnir í svona borgarferðir…
…kona að reyna að jafna sig og finna aftur styrk í hnjánum…
…síðan var komið inn í kirkjuna og vá, þvílíka listaverkið sem hún er…
…allt er skreytt, loft, gólf og allt á milli…
…og sagan er í öllum hornum…
…þetta var svo tignarlegt og mikilfenglegt að upplifa…
…stórkostlega styttur og listaverk þarna inni…
…og gluggarnir eru svo mikil listaverk að þeir þyrftu helst sérpóst….
…en einna áhrifamest var þessi stytta sem á að sýna Jesú á leið til krossfestingar…
…ótrúlega falleg borg að skoða og heillandi, síðan fórum við dagsferð til Lake Como og ég ætla að setja það í sérpóst. Milanó er góð hugmynd og ég mæli með ♥
ps. þætti vænt um að þið mynduð smella á like-hnappinn ef þið höfðuð gaman af póstinum og ekki væri nú verra að heyra aðeins frá ykkur!