…dásamlegt hús teiknarans Alexsandra Nea Graham á norðurströnd Sydney, þar sem hún býr með eiginmanni sínum og tveimur börnum, minnir mig á einhvern hátt á yndislegt dúkkuhús. Það er alveg fullt af skemmtilegum, einstökum munum og heillar alveg upp úr skónum…
…það er svo sannarlega kózý stemming sem tekur á móti manni strax og komið er heim að húsinu…
…þau búa þarna saman Alex, sem er teiknari og hönnuður, eiginmaður hennar James, sem vinnur í fjármálum, og börn þeirra, Sam, 11 ára, og Ellie, átta ára, ásamt labradornum Dolly.
…er eitthvað meira heillandi en gluggasæti?
Huggulegur bókakrókur þar sem er hægt að liggja og gleyma sér…
Alex lét útbúa handmálaða silki-kínverska veggfóðurið í salerninu í gegnum Etsy og undirstrikaði pastellitana með flísum frá Di Lorenzo Tiles. Blöndunartækið er frá Brodware.
Dásamlegt fataherbergi, eins lítil verslun – tja eða bara ágætlega stór – draumurinn minn…
Á veggnum í hjónaherberginu eru antík franskir vegglampar frá 1stDibs frá þriðja áratug síðustu aldar…
Kremlitaðar veggflísar frá Perini Tiles prýða aðalbaðherbergið og veggi í kring, en mynstruðu gólfflísarnar eru frá Jatana Interiors.
Bleiki liturinn í þvottahúsinu er fenginn með „Alchemist“-flísum í Primrose-lit frá Di Lorenzo Tiles sem prýða veggina, ásamt endurnýttum flísum frá Jatana Interiors frá þriðja áratug síðustu aldar á bak við borðplötuna…
En uppáhaldið mitt þarna er eldhúsið, þessi eyja og þessar ljósakrónur…
…hafið þið bara séð það fallegra? Eyjan er frönsk frá 1890 og er alveg 3,4m löng. Ofan á er Carrera marmari og á endanum er svona viðarplata (butchers block) sem er ætluð til skurðar…
…horensíur í eldhúsvöskum, elska – þið hafið margoft séð það mótíf hjá mér…
…algjörlega fullkomið!
Þetta rými, sem upphaflega var eldhúsið, var rifið upp og endurnýtt sem auka svefnherbergi. Náttborðið „Chloé“ frá Rekindle Design Co.
Allar myndir og copyright frá Home Beautiful!