Páskaborð…

…það er orðin hefð fyrir því að ég setji upp nokkur páskaborð hérna á síðunni og við erum ekkert að breyta út frá þeirri hefð. Í þetta sinn er ég með vörur frá JYSK og eins og alltaf þá er ég ekkert að sleppa mér í gula litinum, heldur er ég frekar pastel-sinnuð…

…til að byrja með þá var ég ákveðin í að nota þessa gardínu, þar sem ég elska að nota gardínur sem dúka, en þegar upp er staðið þá fannst mér hún of hvííííít eitthvað í grunninn. Þess í stað notaði ég aðra sem ég hef notað oft áður, en sú heitir Aga og lookar svona meira eins og vintage hör…

…síðan setti ég diskana saman og smá skál til þess að fá lit en fannst enn eins og það vantaði eitthvað…

…og bætti þá við þessum geggjuðu diskamottum, en þær eru svo fallegar…

…og þið sjáið hérna röðina: diskamotta – matardiskur – desertdiskur – blómaskrautdiskur – lítil skál – servétta með súkkulaðieggi…

…og þessi útkoma er alveg eins og mér líkar best…

…örlítið af lit, smá svona bleikir tónar og hérna höfum við skrautblóm í vasa, en þetta eru alvöru laukar í skálinni…

…bæði glösin þykja mér falleg, en vatnsglösin eru í raun sama form og er á vasanum – mér finnst það koma mjög skemmtilega út…

…tauservéttur eru alltaf fallegar og þær eru bara brotnar saman í beina línu og svo er fest með litlu snæri efst. Þannig myndast pláss fyrir eggið innan í…