…nú er svo komið að systurdóttir mín elskuleg er að fara að verða móðir í fyrsta sinn núna í júní. Að því tilefni var ákveðið að halda fyrir hana babyshower, og til þess að ná að koma henni sem mest á óvart þá ákváðum við að halda þetta hérna heima. Þar sem mamman verðandi er mjög umhverfisvæn þá var markmiðið svoldið að kaupa ekkert einnota sem yrði hent að veislu lokinni…
…þannig á borðið fór vasi sem mamma handmálaði og kubbarnir og bækurnar eru gömul leikföng úr fjölskyldunni. Hortensíurnar ljósbláu eru svo fallegar og ég keypti þær í Samasem…
…ég setti síðan upp fánalengjur í gluggann, annars vegar úr pappír og þær efri úr efni en báðar frá Söstrene. Mér datt svo í hug að fánalengjan gæti verið skraut í barnaherberginu í framtíðinni og í afmælisveislum…
…kanínan er gjöf en var notuð sem skraut í veislunni, alveg kjörið…
…það getur verið erfitt að finna dúka í fallegum litum og því kjörið að nýta gardínur í staðinn. Hérna fann ég svo fallega bláa frá JYSK og spretti bara af henni rykkingarborðanum…
…kakan var alveg hreint stórkostlega fögur og kom frá 17sortum. Ég held að ég hafi bara ekki séð fallegri köku í svona barnaveislu…
…diskarnir á fæti þjóna alltaf sínum tilgangi, þessi gylti er gamall og fékkst í JYSK þegar það var enn Rúmfó…
…ég skellti tveimur makkarónum ofan á marengstertuna til þess að gera hana meira í stíl, og skellti svo litlum gíraffa sem prýddi fyrstu afmælisköku sonarins fyrir 14 árum…
…síðan vorum við með osta og alls konar brauðmeti…
…smá yfirsýn yfir borðið…
…ótrúlega skemmtilegt tilefni til að gleðjast með verðandi mömmunni og fleirum, svo dýrmætt…
…notaði gamla B&G kaffistellið mitt og svo setti ég slaufur á bæði glösin á fæti og vasann…
…fallegar servéttur með blómum í bláum og alls konar litum…
…setti fánalengjur og smá grænt á skápinn fyrir myndatöku…
…gjafirnar tilbúnar fyrir verðandi móður…
…mæðgurnar reddí í veislu…
…vona að þið eigið yndislegan dag! ♥
ps. þætti ótrúlega vænt um að þið mynduð smella á like-hnappinn ef þið höfðuð gaman af póstinum – það er mér mjög dýrmætt! ♥