Heillandi og draumkennt…

…myndir og texti er fengið frá Sköne Hem – en mér fannst þetta vera alveg geggjað fallegt innlit og vel þess virði að skoða. Ótrúlega heillandi heimili sem er verið að gera upp, og mikil virðing og alúð borin fyrir sögu þess, en húsið var áður gamall barnaskóli.

Þegar hjónin Henrik og Madeleine fengu tækifæri til að kaupa aftur heimili ömmu Henriks, sem var gamall barnaskóli frá 1880, hikuðu þau ekki. Saman hafa þau nú endurbætt og innréttað gamla grunnskólann með sjálfbærni og endurvinnslu í brennidepli – skemmtilegt og skapandi verkefni sem.

Fyrri eigendur höfðu aðallega notað skólann sem sumarbústað og gert húsið lítið upp og því var mikið af því eldra enn varðveitt þegar Henrik og Madeleine tóku við.

Nú er verið að endurnýja framhliðina en þau hjónin hafa einnig áform um verönd, eldhúsgarð, appelsínuhús, hænsnahús og heitan pott.

Borðstofuborðið í sal skólans er dekkað fyrir sumarpartíið í bláum tónum. 3,7 metra langa borðið frá Vadstena Antik rúmar marga. Í kringum borðið eru ólíkir stólar og langur bekkur, allt með einstöku útliti. 

Borðbúnaðurinn var keyptur á uppboði. Á veggnum hangir gylltur spegill, keyptur á flóamarkaði og kertalampar sem fengust á uppboði.

Markmiðið hefur verið að Tycke skólinn verði aðlaðandi og notalegt heimili.

– Amma átti alltaf stað og mat fyrir þá sem hingað komu, segir Henrik. 
Tycke skólinn var miðstöð félagslífs og því ætti hann að lifa áfram.

Úr holi er gengið inn í sal skólans sem hýsir bæði borðstofu, stofu með sjónvarpshorni og lítið setusvæði. Stóra eldavélin dreifir hita á köldum dögum en er líka fallegt augnayndi. 

Í eldhúsinu hafa Madeleine og Henrik innréttað vín-herbergi, fallega sett upp á bak við rimlaglugga, sem fundist hafa í hlöðu.

Hrár múrsteinsveggur myndar fallegan bakgrunn fyrir hillur með vínflöskum og hangandi geymslu.

Innblásturinn að endurbótum og sköpun hefur margoft komið frá húsinu sjálfu.

– Húsið vísar veginn. Einstökt antíkhúsgögn eða smáatriði auka sköpunargáfu og hugmyndaflug og geta sett tóninn fyrir heila innréttingu, segir Henrik.

Marmara vaskur frá Shaws og hrærivél frá Horus. Hillurnar hafa hjónin smíðað sjálf, snaginn keyptur á flóamarkaði. Hangandi lamparnir koma frá Karlskrona Lampfabrik.

Hjónaherbergið er á efri hæðinni, þar njóta sperrurnar sín og opið upp í rjáfur. Viðarofn Defiant Encore frá American Vermont Casting. Rúm og stóll, auk ferðataska og kommóða eru keypt á uppboði og í fornverslun.

Á bókasafnininu er heimabyggð bókahilla máluð með málningu í sama grábláa lit og hurðin. Sófinn, sem og teppið, voru keypt í Blocket og drykkjarvagninn á netuppboði. Loftljósin hafa fundist á ýmsum flóamörkuðum. 

Texti og efni: Sköna Hem
Myndir: Carina Olander