…er heitið á bókinni hennar Joanna Gaines sem kom út núna í nóvember. Ég var búin að panta mér hana í forsölu á Amazon, og hún átti að koma til landsins 27.nóvember síðastliðin. Ég var sjálf úti í USA í nóv og kom heim þann dag, og þið vitið ekki hvað það var erfitt að skilja hana eftir í Target, þegar ég sá hana úti 🙂 En sendingin tók sinn tíma, sennilegast vegna jólaannar, og sendingin kom ekki fyrr en rétt fyrir jólin.
…ég pantaði bókina mína á Amazon og það er að muna töluverðu að panta hana þar, frekar en á síðunni hennar Joanna, sem er MagnoliaMarket. En bókin kostar $23.99 á Amazon, en $40 hjá Magnolia. Að vísu er sagt að það sé eitthvað aukreitis í dýrari bókinni, exclusive innihald, en það eru væntanlega bara nokkrar síður sem þá bætast við.
…bókin er skemmtilega sett upp og þægileg í lestri, og notkun – en hún er á vissan hátt eins og kennslubók í innanhúsdekor. Það er t.d. farið yfir mismunandi stíla og þeir eru sýndir í myndum, sem sýna þér mjög myndrænt stílinn…
…en svo er mikilvægt að átta sig á að maður þarf ekkert að vera eingöngu í einum stíl. Ég finn mig t.d. að hluta til í Farmhouse, Módern, Industril og Bóhó, til þess að nefna nokkra. Þannig að þetta snýst allt saman fyrst og fremst um að finna hluti sem gefa þér gleði, og þú hefur sanna ánægju af að hafa í kringum þig…
…en fyrir utan praktísku hliðina sem bókin fer í, þá eru líka myndirnar einar og sér mikið augnayndi…
…ef við skellum okkur svo í praktíkina, þá er það kostnaðurinn við að panta bókina. Hún kostar eins og áður sagði $23.99. Síðan er hægt að velja um þrjá mismunandi sendingartíma og þeir eru misdýrir, allt frá því að fá bókina afhenda í næstu viku og þá er sendingarkostnaður $32 sem er dýrara en bókin sjálf, og svo er hægt að velja sem tekur 2-4 vikur og er kostnaður þá $7,98 eða $12,48.
Ef þið takið kostinn í miðið, sem er $12,48 þá er samtalan: $36.47 og þið getið svo farið inn á tollur.is og reiknað hvað þið þurfið að greiða hérna heima.
Verð vörunnar (tollverð + aðflutningsgjöld) miðað við þær forsendur sem þú gafst upp hér að ofan: 4.286 kr. + 471 kr. = 4.757 kr. Gengi: 117,51
Til að skoða bókina á Amazon – smella hér!
…ég er í það minnsta alsæl með mína bók, búin að lesa spjaldanna á milli og meira segja glósa þær hugmyndir sem hún gaf mér og kveikti hjá mér. Þannig að Home Body fær mín besti meðmæli!
Til þess að skoða eldri bóka-pósta, þá er hægt að smella hér! og hér! og hér! og hér! og hér! og hér! og hér!
ps. þætti vænt um að þið mynduð smella á like-hnappinn ef þið höfðuð gaman af póstinum og ekki væri nú verra að heyra aðeins frá ykkur!