Hitt og þetta…

…á mánudagskveldi. Ég meina, hví ekki?

…það er nú eitt með að vera á breytingarskeiðinu, þá færast stundum hlutirnir hérna innanhúss…

…blúnduteppið mitt góða, úr hjónaherberginu (sjá hér), er komið inn til dömunnar…

…ótrúlegt hvað svona falleg teppi passa allsstaðar 🙂

Um daginn sótti ég litla manninn minn extra snemma í leikskólann, og hafi komið við og keypt köku á heimleiðinni…

…við gerðum okkur því glaðan dag og nutum þess að spjalla saman og borða smá gotterý…

…enda ekki annað hægt en að njóta í svona prýðisfélagsskap…

…og auðvitað með smá mjólk og rjóma…

…svo var það gellan sem flutti inn – eða sko Gufugellan 🙂

Hah!  Húsbandið varð fremur hissa þegar ég tilkynnti honum að það væri gella að flytja inn á okkur og hún kæmi til með að hjálpa til með heimilið.  Veit ekki alveg hvað hann átti von á…

…hún var sem sé á tilboði á Aha um daginn og ég datt inn í að horfa á auglýsinguna fyrir þetta, og bara gat ekki hætt.  Við hjónin lendum iðulega í þessu þegar við förum til USA, þetta er dáleiðandi sjónvarpsefni.  Svo þegar þeir sýndu græjuna þrífa salernið (sem trónir ofarlega á lista mínum sem leiðinlegast verk í heimi) þá var ég seld.  Plús að ég fíla mig eins og Ghostbusters þegar að ég er komin með þetta í hendurnar 😉

…ég notaði þetta á þrif á baðherberginu og þreif glugga og þetta var bara snilld.  Svo notaði ég þetta á flísarnar í forstofunni og þetta er geggjað á flísar.  Reyndar fannst mér hún skilja eftir rendur í parketinu, því að moppan verður svoldið blaut, þannig að ég mæli frekar með þessu á flísar – þarf hins vegar að prufa þetta betur.

Síðan lánaði ég systur minni græjuna, en hún er með þrjá hunda og svartar náttúruflísar á öllu húsinu.  Hún var búin að fá tilboð í að láta þrífa flísarnar extra vel, því að það þarf að lakka yfir þær eða eitthvað álíka á nokkra ára fresti.  Tilboðið var upp á um 100þús en gellan kom í heimsókn og svoleiðis reddaði henni.  Plús að ég græddi mikla ást og umhyggju frá systur minni fyrir að eiga svona góða vinkonu 😉

Eina sem ég get sett út á hana svona í bili, er liturinn (haha) og svo er handfangið svoldið veigalítið.  En maður tekur varlega í tólið – hohoho.

…síðan um daginn var ég að hjálpa yndislegri konu að breyta og gera fínt heima hjá sér…

…það er svo gaman að sjá þegar allt smellur saman í lokin…

…næsta fimmtudagskvöld verður síðan SkreytumHús-kvöld í Rúmfó á Korputorgi, með sérstökum ofurkjörum og ég verð á staðnum að skreyta og spjalla (þið getið meldað ykkur inn með því að smella hér)
Hlakka til þess að sýna ykkur myndir af alls konar jólagóssi á miðvikudaginn, svona til að hita upp fyrir kvöldið…

…svo á morgun – þá ætla ég að reyna að sýna ykkur þetta!

ps. þætti vænt um að þið mynduð smella á like-hnappinn ef þið höfðuð gaman af póstinum og ekki væri nú verra að heyra aðeins frá ykkur – eins má sko deila þessu í allar áttir, alveg ókeypis!