Eldhús – DIY í gegnum árin…

…ég er búin að vera að fletta svo mikið í gegnum gamlar myndir og maður sér það svart á hvítu, hversu mikið og hversu margar breytingar ég hef í raun gert í gegnum þessum 5 ár sem ég hef verið að breyta svona “opinberlega”.  Öll þessi DIY eru jafn misjöfn og þau eru mörg og því fannst mér gaman að fara í gegnum herbergin og sýna þau sem hafa staðist tímans tönn.  Þau DIY sem eru enn í fullri notkun og ég er jafn ánægð með í dag, rétt eins og fyrir nokkrum árum síðan.

Er það ekki bara smá spennandi?

Í fyrsta lagi er alltaf gaman að sjá þessa mynd, af tómu eldhúsinu, sem sýnir það svo vel – að það eru litlu hlutirnir sem að gera rýmið að því sem það er og gefa því persónuleikann…

…ein stæðsta breytingin sem varð þarna inni var þegar við fundum skenk á Bland (sjá hér) sem við máluðum, og svo þennan dásemdar efri skáp (sjá hér) og festum þá á vegginn (sjá hér)…

…skápurinn er enn einn af uppáhaldshlutunum mínum, og ég er alveg ótrúlega ánægð með hann enn í dag…

…ekki minnkaði sú ánægja þegar ég setti pappír í bakið á honum, og þar er hann enn (sjá hér)…

…svo er það furuspegillinn sem ég fann í nytjamarkaði…

…fékk blessaða húsbandið til þess að saga til lista fyrir mig (auðvitað tilneyddur greyjið)…

…og hann hefur síðan hangið í eldhúsinu, keikur og fagur (sjá hér)…

…og svo sjáið þið hér breytta borðplötu, en ég gekk í gegnum smá tilvistarkreppu (sjá hér) í að finna út rétta borðplötu fyrir þennan skenk…

…og hér er svo lokaútgáfan (sjá hér), sem ég er enn bara happy með…

…og svo voru það hlerarnir sem komu inn 2013, og hér eru þeir enn (sjá hér)…

…og svo var það hillan sem ég tók og sneri á hvolf, eins og maður gerir…

…en hún er hér (smella)…

…eins setti ég upp gardýnustangir í eldhúsinu, rétt til þess að geta sett í þær greinar (sjá hér), og einfaldar lausnir (sjá hér) þegar við gerðum göt á stangirnar fyrir snúrnar fyrir ljósin, og svo voru festir bling steinar í ljósin (sjá hér)…

…og jú, einu sinni smellti ég smá límmiðum á Ingolf-ana okkar, og þeir eru þar enn (sjá hér)…

…og þá er nokkurn veginn upptalið, þau DIY sem dvelja enn í eldhúsinu að þessu sinni.  Í það minnsta þau stærri!

Hvernig lýst ykkur annars á svona yfirferð um húsið, í rólegheitum?

ps. þætti vænt um að þið mynduð smella á like-hnappinn ef þið höfðuð gaman af póstinum og ekki væri nú verra að heyra aðeins frá ykkur – eins má sko deila þessu í allar áttir, eftir vild!