…nei sko ég er búin að bíða í ofvæni eftir að það komi ný sending af Bambus sængurverunum í Dorma, því hún Svava verslunarstjóri var búin að segja mér endalausar sögur af hversu dásamleg þau eru. Fyrri sendingin seldist upp í hvelli og þau voru loks að koma aftur í nokkrum litum: Sand, Mocca, Bleik, Græn, Hvít og Dökkgrá.
Movesgood rúmfötin eru úr silkimjúku bambus lyocell efni með 300TC þráðum. Þetta einstaka efni er sérlega mjúkt, andar vel, er hitastillandi, er með náttúrulega bakteríudrepandi eiginleika og minnkar líkur á ofnæmisviðbrögðum þar sem efnið er minna ertandi fyrir húð og öndunarfæri. Með þessum rúmfötum getum við tryggt ofurmjúka, umhverfisvæna svefnupplifun.
Movesgood bambus rúmföt – smella hér!
Þess ber að geta að útsalan er í fullum gangi í Dorma og því er 20% afsláttur af sængurverunum og því!
Rúmfötin koma líka í fallegum pokum úr sama efni og eru því líka mjög falleg til gjafa. Eftir miklar pælingar, þá varð liturinn Sand fyrir valinu hjá mér og ég var svo spennt að setja á rúmið hjá okkur…
…það var því ofuránægð kona sem lagðist á mjúka koddann sinn, á mjúka lakinu sínu og undir mjúku sængina sína. En ég verð bara að lofa ykkur, það er sko þess virði að koma við í Dorma og klappa þessu aðeins – en þvílíkt sem það er mjúkt og notalegt að sofa með þetta…
…í settinu kemur bæði sæng og koddi í stöðluðum stærðum, og það eru hnappar til þess að loka því að neðan. En auk þess er hægt að kaupa tvo kodda í setti aukalega og með nokkrum litum er líka hægt að kaupa lak úr sama efni og í sama lit.
…ég þvoði settið á 40° og hengdi svo bara á snúru og komst upp með að strauja þetta ekki – en það er bara ekki séns að ég nenni að strauja alltaf af rúminu okkar – því eftir fyrstu nóttina þá aflagast það…
…ég hef ekki verið hrifin af því að sofa með satín eða silkirúmföt, en þetta er einhvern vegin silkimjúkt en samt með eiginleika eins og bómull. Það er alveg himneskt að sofa í þessu og þetta heldur einhvernvegin fullkomnu hitastigi á líkamanum, og sagan segir að þetta sé það sem að allar konur á breytingaskeiði þurfi að eiga/nota/prufa…
…í það minnsta þá fær settið mín bestu meðmæli og fyrstu kynnin voru ekkert nema jákvæð, og jú – mjög svo notaleg…
…svo er það þannig að í mínum huga er það eins með hjónaherbergin og önnur rými í húsinu. Það er alveg möst að hreyfa til hlutina og breyta aðeins til – það kemur bara ákveðinni orku á hreyfingu inni í rýminu og það veldur því oft að manni finnst bara allt verða eins og nýtt. Þrátt fyrir breytingarnar séu smáar, en eins og í þessu tilfelli – ótrúlega mjúkar og þægilegar!
……vona að þið eigið yndislegan sunnudag ♥
P.s. ykkur er alltaf frjálst að deila póstinum og ef þið smellið á like –
þá verð ég sérlega glöð og kát í hjarta ♥