…allan seinasta vetur hefur sonurinn haft orð á því hversu mikið honum langar að ferðast innanlands. Við vorum nokkuð dugleg að fara með fellihysi tengdaforeldranna þegar að krakkarnir voru minni, en það er ekki lengur í boði og við höfum eitthvað staðið í stað í þessum málum. Ég greip það því fegins hendi þegar mér bauðst geggjað samstarf með snillingunum hjá Útilegumanninum, en þeir eru eitt allra er eitt þekktasta fyrirtæki landsins á sviði hjólhýsa, fellihýsa, tjaldvagna og útivistarbúnaðar. Fyrirtækið hefur starfað í um tvo áratugi og hefur byggt upp sterka stöðu meðal íslenskra útivistarfólks.
Smella fyrir heimasíðu Útilegumannsins!
…en þeir eru að selja bæði notuð og ný hjólhýsi, fellihýsi, tjaldvagna, húsbíla og fjölbreyttan útilegubúnað. Fyrirtækið rekur einnig þjónustuverkstæði og varahlutaþjónustu. Svo verð ég að benda á að þeir eru með alveg hreint brilliant deild með alls konar smávöru, ekki bara fyrir útileguna heldur bara alls konar fallegt fyrir pallinn og garðinn.
Ég þarf að gera alveg sér innlit þarna, en þið sjáið hérna örlítið brot af diskunum sem til er…
…hér er t.d. stellið eins og ég valdi fyrir okkur, en það fæst í þessum tveimur litum – ég valdi þann dökka…
…hjólhýsið sem við fengum lánað heitr Knaus 500 UF Sport og er frá árinu 2023. En mér þykir þetta vera eitt af betri hjólhýsunum í þessum stærðarflokki. Það er sérstaklega vinsælt hjá pörum eða litlum fjölskyldum sem vilja rúmgott hýsi án þess að fara upp í mjög stór tvíöxla hýsi. En okkur þótti það líka skipta máli að vera ekki með of stórt hýsi í eftirdragi.
…dásamlegt útsýnið bara strax af hlaðinu heima…
…svo var lagt í hann og fyrsti áfangastaður var Skagafjörður, þannig að framundan var löng keyrsla…
…strax komin í útilegugírinn, komin í dásamlegu peysuna frá tengdó…
…og Skagafjörðurinn tók dásamlega á móti okkur, Drangey í dulúðlegri birtu við sólarlag…
…en við sjóndeildarhringinn var boðið upp á þvílíka sjónarspilið…
…þannig að ég átti bara fullt í fangi með að taka myndir og meðtaka alla þessa fegurð á sama tíma…
…svo þegar stoppað var, þá er dásamlegt að ganga beint inn í hýsi þar sem allt er bara reddí. Þarf ekkert að gera nema taka upp ketilinn og hita vatnið, innandyra að sjálfsögðu og gera sér notalegan kakóbolla og horfa á meira sólarlag. Ketillinn var held ég sá fallegasti útileguketill sem ég hef séð, og er að sjálfsögðu líka frá Útilegumanninum…
…en ég tók líka nokkrar myndir innandyra til þess að leyfa ykkur að sjá betur. En það er alveg hreint magnað hversu haganlega öllu er komið fyrir. Borðið legst niður og verður að stóru og þægilegu plássi sem var fullkomið fyrir langa unglinginn okkar…
…mér finnst líka alveg möst að vera með eitthvað fallegt með og ég var svo hrifin af þessum vasa með blómunum og grófu viðarskálinni. Led-kertið var líka einstakleg flott og í græna glasinu var limonella ilmkerti, og við urðum í það minnsta ekkert vör við flugur eða nein bit…
…geggjað stór hengiblóm til punts…
…og mjög svo kózý svefnpláss…
…fremsta kertið er líka led-kerti sem kemur í tveimur stærðum og er svo flott…
…dásamlegt þegar að nytjavörur, eins og sópur og fægiskúffa, ostabretti og hnífar, er allt hvert öðru fallegra…
…þess ber að geta að við tókum stórt hundabæli með sem passaði alveg í einn skápinn og það fór því vel um okkur öll…
…Hofsós sóttur heim og sundlaugin þar státar eflaust af einni flottustu staðsetningu sem hægt er að finna…
…svo kíktum við á Hóla í Hjaltadal:
Hólar voru einn mikilvægasti staður Íslands í margar aldir:
Þar er einnig Háskólinn á Hólum, sem sérhæfir sig meðal annars í hestafræði, fiskeldi og ferðaþjónustu.
Staðurinn varð biskupssetur árið 1106 og var það allt til 1798.
Þar var fyrsta prentsmiðja landsins utan Skálholts og Hólar voru lengi miðstöð menntunar og kirkjulífs á Norðurlandi.
Á Hólum er hin glæsilega Hóladómkirkja, vígð árið 1763, sem er ein elsta steinkirkja landsins.
…alveg hreint til fyrirmyndar að skella sér í smá myndatöku í fallegu umhverfi…
…skoðuðum svo að sjálfsögðu kirkjuna, sem er talin ein elsta steinkirkja landsins. Hóladómkirkja var vígð árið 1763. Klukkuturninn var hins vegar reistur árið 1950, tæpum 190 árum síðar, til að minnast þess að 400 ár voru liðin frá aftöku Jóns Arasonar, síðasta kaþólska biskupsins á Hólum. Kirkjan var einfaldlega byggð án þessa turns og þegar ákveðið var að reisa minnisvarða um Jón Arason var hannaður sjálfstæður klukkuturn við hlið kirkjunnar, í stað þess að breyta sjálfri 18. aldar kirkjunni.
Á myndinni sést krossfesting Krists, en sitt hvoru megin við krossinn standa tvær persónur:
- María mey (til hægri) með hendur lagðar saman í bæn.
- Jóhannes guðspjallamaður (til vinstri), lærisveinninn sem samkvæmt guðspjallinu stóð við krossinn.
Áletrunin á krossinum
Á þverbitanum stendur:
„Ef nokkur þyrstir, komi hann til mín og drekki.“
Krossinn er ekki frá 18. öld, þegar núverandi kirkja var byggð. Talið er að hann sé mun eldri, frá kaþólskum tíma eða snemma eftir siðaskiptin. Hann er því einn af þeim gripum sem lifðu af miklar breytingar á Hólum og eru varðveittir í kirkjunni í dag.
Þetta er sérstaklega merkilegt vegna þess að Hólar voru síðasta vígi kaþólsku kirkjunnar á Íslandi undir stjórn Jóns Arasonar. Þess vegna hafa varðveist þar ýmsir kirkjugripir sem minna á tímann fyrir siðaskiptin.
…og að kveldi dags þá hélt Skagafjörðurinn áfram að gleðja með fegurð og sólarlagi…
…en ég sat við og starði alveg þar til sólinn sunkaði í sæinn…
…daginn eftir brugðum við okkur á Landsmót Hestamanna og horfðum á dótturinn keppa þar í fyrsta sinn, og í þetta sinn næstum bara á nýjum “heimavelli” þar sem hún er á leið í Háskólann á Hólum núna í haust. Svo endalaust stolt af henni…
…ég ákveð að skipta þessu í tvennt og lýkur hér með fyrri hluta – svo brugðum við okkur á Akureyri og það kemur næst ♥
ps. þætti vænt um að þið mynduð smella á like-hnappinn ef þið höfðuð gaman af póstinum og ekki væri nú verra að heyra aðeins frá ykkur!