…mér datt í hug að gera póst þar sem ég tæki saman helstu hlutina úr Húsgagnahöllinni og Dorma sem ég var að nota í þáttunum, svona þægilegt að hafa allt á einum stað!
Fyrsta rýmið var dömuherbergi á Álftanesi!
Smella hér til að horfa á þættina í heild sinni á Vísir.is!
Þar er dásamlegur stóll úr Höllinni og gyllti spegillinn fannst einmitt í Dorma…
Stóllinn var líka fullkomin þarna inn, bæði svo ótrúlega fallegur og þægilegur og eftir að ég prufaði hann í Húsgagnahöllinni þá var ekki aftur snúið.
Svo, ef þið viljið ná inn hlýleika, þá er gull og brass alveg hreint það sem þið skulið leita eftir.
Síðan fannst mér það fullkomið að setja fallegu hringveggstjakana úr Húsgagnahöllinni fyrir ofan rúmið. En þeir geta auðvitað líka verið litlar hillur og gefa svo fallega fyllingu í hvaða rými sem er.
Veggkertastjakar – Húsgagnahöllin
Í þætti 2 valdi Evert sér nýtt rúm í Dorma og við ákváðum að hafa það 120cm, sem þýðir að amma og afi geta gist í rúminu hans þegar þau koma í heimsókn, og svo er þetta frábær stærð fyrir stækkandi strák.
Rúmið heitir Natures Rest heilsudýna og er stíf dýna sem hentar þeim sem vilja mikinn og góðan stuðning. Dýnan er samsett úr 18 cm háum pokagormum umvafið af hitasprengdum svampi. Gormakerfið er gert úr tvíhertu stáli með mikinn og góðan stuðning.
Svo var það geggjuð hilla sem ég kallaði ósjálfrátt Star Wars-hilluna og mér fannst hún því kjörin til þess að stilla upp nokkrum vel völdum hlutum….
…og svo geggjaður þessi Kare geimhundur frá Húsgagnahöllinni, elska…
Í þriðja þættinum vorum við með stofu og sófarnir úr Húsgagnahöllinnu eru náttúrulega einstaklega fallegir. Bæði stílhreinir og þægilegir, auk þess sem fæturnar eru svo flottar að mínu mati.
Við tókum inn sitt hvora stærðina, þessi á myndinni er sá stærri sem var 3ja manna og hinn á móti er 2,5 manna. Stærðarmunurinn er ekki mikill en gerði samt sem áður hellings mun á flæðinu inni í rýminu…
Stóra breytingin inni í rýminu var auðvitað að mála bæði loft og veggi. Það er alltaf auðveldasta leiðin til þess að ná inn gríðarlegri breytingu. En þar að auki, þá “freslaði” ég húsgögnin frá veggjunum, og það breytti öllu – eins að hafa sett inn stóra mottu og setja tvö staka sófa andspænis hvor öðrum þá varð rýmið allt annað…
…hér sést yfir á minni sófann, og eins sést þá nær mottan alveg undir hann. En til þess að þetta gengi upp þá valdi ég alveg risamottu sem er 300×400 en ef mottan hefði verið minni þá hefði í raun stofan virkað minni – og þessar dásamlegu Rut Kára-mottur í Höllinni eru líka einstaklega fallegar. Þær eru svona hetjustykki inn í rými að mínu mati…
Motta 300×400 – Húsgagnahöllin
en hér varð til svo mikil fylling á veggina með þessum dásamlegu hringkertastjökum:
…mér fannst gaman að blanda saman borðum í sitt hvorum litnum, en það gaf svo mikla hlýju inn að setja eikina með og hún tengdi við gólfið…
…þessir geggjuðu hægindastólar voru í uppáhaldi hjá fjölskyldunni og voru því að sjálfsögðu notaðir áfram. En þeir eru frá Dorma og það fást mjög svipaðir í dag sem heita Avignon.
…á vegginn í svefherbergi í fjórða þætti setti ég geggjaðar vegghillur úr Húsgagnahöllinni, pörfekt fyrir smá punterí…
Ég útbjó rúmgafl úr hljóðvistarplötum og að vegghengja náttborðin frá Dorma er snilld, þá myndast frítt pláss undir sem hægt væri að setja t.d. hundarúm eða annað slíkt, plús snilld að þrífa…
Svo var það sjónvarpsrýmið í Urriðaholti, ótrúlega kózý þó ég segi sjálf frá.
Stóra húsgagnið þarna inn var auðvitað sófinn. Fyrst voru þau alveg ákveðin í að hafa tunguna nær skápnum, en mér þótti það koma betur út að færa hana nær hurðinni út og það varð úr. Sófinn er frá Húsgagnahöllinni og heitir Naomi og er alveg einstaklega djúsí og kózý…
Við veggfestum sjónvarpið og mér fannst alveg nauðsynlega þurfa “þyngd” þar undir, þannig að við fundum þennan fallega sjónvarpsskáp í Húsgagnahöllinni og hann var í fullkominni stærð þarna inn.
Sjónvarpsskápur – Húsgagnahöllin
Ég held samt að uppáhalds kombó-ið mitt þarna inni hafi verið borðinn tvo. En viðarborðið er frá Húsgagnahöllinnig og hvíta borðið frá JYSK.
Svo var það lokaþátturinn og það var alrými í Ljósheimum. en hér horfum við inn í stofuna og á þennan dásamlega fallega sófa, sem verður enn meira kózý þegar að mottan og borðin eru komin á sinn stað. En bæði borðin og sófinn eru frá Húsgagnahöllinni en mottan frá JYSK…
Sófaborðin eru seld í setti, og eru massíf og þung, og sérstaklega falleg.
Í Dorma fann ég þennan geggjaða sjónvarpsskenk, sem var alveg 180cm á lengd, og einmitt þar sem þurfti fyrir panilvegginn. Mjög flottur!
…þetta var svo ótrúlega skemmtilegt og ég er endalaust þakklát öllum sem treystu mér fyrir rýmunum sínum – og til að lesa um hvern þátt þá smellið þið hér!
♥ Vona að þið hafið haft gaman að þessari samantekt – njótið restarinnar af helginni! ♥