…ég lofaði að sýna ykkur haustgreinar sem ég fann í Byko, svona ekta fallegt inn í haustið. Fyrstur var það þessi kertastjaki, en mér þykir hann alveg sérlega fallegur. Það eru líka svo skemmtilegir þessir hringir sem maður getur síðan skreytt eftir árstíma…
…svo voru það dásamlegu haustgreinarnar. En það eru margir með svona strá og annað þurrkað, en ég er ekki enn komin þangað. Vann svo mikið í blómabúðum og maður var endalaust að vinna með þurrkað efni í skreytingar – ég held að ég sé bara ekki enn tilbúin í meira 🙂
…og svo voru það þessi hérna hliðarborð, sem koma í tveimur stærðum…
…greinarnar eru svo fallegar og “flöffí”, þær komu líka í annarri týpu sem að var meira svona lafandi, en flott í rétta vasa…
…ég tók minna borðið…
…og áður umræddan kertstjaka…
…greinarnar eru æðislegar, þarna eru bara tvær saman í vasa – en þær eru það miklar um sig að það er meira en nóg. Svo verður allt meira kózý með kertaljósi…
…það væri líka skemmtilegt að setja hluta af greinunum þarna neðan á stjakann…
…lítil hliðarborð eru líka svo mikil snilld, hægt að skella þeim hér og þar – og sérlega góð í veislum…
…ég stakk líka einni grein í vasann með þurrkuðum hortensíum…
…og prufaði aðra í hvíta vasann á hliðarborðinu, en þetta er bara ein grein sem er þarna…
…ekta svona fyrir kózý fílinginn. Njótið sunnudagsins ♥
ps. þætti ótrúlega vænt um að þið mynduð smella á like-hnappinn ef þið höfðuð gaman af póstinum – það er mér mjög dýrmætt!