Annar dagur…

…og hann Molli á enn erfitt með að skríða framúr á morgnana, það er greinilega þreytandi og fullt starf að vera svona mikið krútt…

…ég meina sko þetta ætti að vera að einhverju leyti ólöglegt að vera svona mikið krútt…

…svo þegar að hann fer loks á fætur, þá gerir hann það sama og Raffi og Stormur gerðu, að finna sólina þar sem hún skín inn og liggja í sólbaði og sofa meira…

…þetta er erfitt starf en einhver þarf að taka þetta að sér…

…annars hélt ég að vorið væri komið en svo kom bara mini vetur aftur, og allt fullt af snjó…

…kannski ekki vorlegt, en fallegt er það…

…og þegar ekkert bólar á sumri úti, þá er bara hægt að njóta þess að vera með blóm í vasa heima…

…um daginn fékk ég svo sendingu frá Prentsmidur.is, en mér bauðst að velja mér vörur sem mér þótti henta okkur vel.
En þetta er alveg snilldar skipulagsseglar, sem er frábært að skella bara á ísskápinn…

…en það er snilld að skipuleggja matseðil vikunnar fyrirfram, og að skrifa hvað er til í frystinum svo hægt sé að nýta allt sem til er…

…og svo fór þetta beint á ísskápinn, og krakkarnir eru að hafa þvílíkt gaman að þessu…

…dóttirin tók ástfóstri við “To do-listann” og notar hann fyrir sig og nýtur þess að “tjékka” við það sem hún ætlar að gera. Ég er sko ekki að grínast, þetta er eitthvað sem hún elskar að gera 🙂

…sonurinn ákvað hins vegar að taka hinn seglinn undir sinn verndarvæng, og gerði Tölvuáskorun á sjálfan sig. Við foreldranir eru reyndar að kalla þetta jákvæðniáskorun, að tækla það sem á vegi hans verður með jákvæðni og góðu hugarfari. Hann fær broskall í lok dagsins og eftir 30 daga þá verða smá verðlaun. Þetta finnst honum mjög spennandi og er mjög ánægður með þetta…

…og þetta er þarna neðarlega á skápnum, þar sem krakkarnir eru mikið að nota þetta fyrir sig. Sem mér finnst bara sniðugt.
Prentsmiður.is er að bjóða upp á 15% afslátt af öllum vörum fyrir lesendur SkreytumHús…