Hitt og þetta…

…á föstudegi, eins og vera ber 🙂

Ég var víst búin að lofa að kynna ykkur fyrir nýja sambýlinginum okkar, alla leið frá Akureyrinni góðu…

…en það er einmitt þetta hérna laaaaanga og risavaxna hliðarborð!

…og ég get nú varla sagt ykkur hvað ég er mikið skotin í því sko…

…en sem er hef ég ekkert gert við það. Ekkert málað eða pússað eða neitt…

…og eins og þið sjáið þá var t.d. neðri hillan svona sjúskuð og illa farin…

…eða eins og ég segi, svona dásamlega fallega illa farin 🙂

…og mér finnst nú aldrei leiðinlegt að fá meira pláss til þess að raða á…

…ég er reyndar í miklum pælingum um hvað ég eigi að gera við það.  Hvort ég eigi að mála fætur eða hvað…

…því það eina sem ég hef út á það að setja núna, er að það fellur smá saman við litinn minn á vegginum á bakvið…

…Stormur var sko bara sáttur við þetta, þó hann virki hálfdapur.  Hann er smá þunglyndur því tíkin í næsta húsi er á lóðarí-i og honum langar í heimsókn, sem hann fær ekki – hundalíf!

…borðið sá ég sem sé auglýst hjá Fjölsmiðjunni á Akureyri (sjá hér) og ég keypti það bara í gegnum síma og fékk það flutt í bæinn með Landflutningum…

…svona lét myndin út á Facebook.
Hefðir þú keypt borðið eftir myndinni að dæma?

Í það minnsta, ég er kát með þennan langa félaga – allt svo gott að norðan sko!

Góða helgi og hafið það sem best ♥

p.s. ef þú vildir vera svo dásamleg/ur að smella á like, svona af því að þú last póstinn og hafðir gaman að, þá yrði ég þér afar þakklát.  Ekki væri nú verra að heyra frá þér, ég er stundum hálfeinmanna hérna inni!