Raðað á bakka #3…

…jújú, þetta er langt nám sko.

Hér var #1 og hér #2, og við tókum okkur síðan frekar laaaaaangar frímínútur og áfram með smérið.  Það dugar ekki að slóra ef þið ætlið að ná jólaskreytabakkaprófinu sem skellur á í des 🙂

Fyrsta vers, hvar á bakkinn að standa.  Í þessu tilfelli, þetta auða eldhúsborð…

…og svo var að finna það sem á borðið á að fara. Í þessu tilfelli fór ég í Pier á Smáratorgi og fann alls konar dýrindis dóterý – þannig að allt sem þið sjáið hér fæst þar.  Auðveldar málin ekki satt?

Þar er að finna alveg svakalegt úrval af bökkum í öllum stærðum, litum og gerðum (smellið hér til að skoða), og ég fann þennan hérna ílanga, sem mér þótti ansi skemmtilegur.

…hann varð hins vegar ansi einmanna og dökkur á borðinu og mér fannst því kjörið að nota þennan blúndulöber með – finnst hann svona módern útgáfa af blúndudúkum.  Plús að þið sjáið þegar hann er kominn á borðið þá passa hlutföllin á þessu öllu mun betur…

…svo eru það stærstu hlutirnir fyrst.  Þessi stjakar er þungir og alveg ferlega flottir, taka bæði kubbakerti og venjuleg.  Nú og þegar við röðum á bakka, þá er gott að hafa hæðsta punktinn aðeins til hliðar við miðju…

…bætti síðan við litum glerdiski á fæti, en fannst enn bakkinn frekar dökkur…

…þá er nú ekki verra að bæta við dásemdar blúndu, enda eru blúndur góðar – sérstaklega á trékeflum, þannig að hægt er að nota þau til þess að punta með…

…og svo er bara að leggja þær eftir bankanum og klippa í rétta lengd…

…síðan þurfti kona kertahringi, þessir voru ansi hreint blingaðir og fínir…

…þá er snilld að taka svona könglalengju og nota með…

…glenna aðeins hringinn út…

…og svo bara blanda saman…

…þannig fáum við pörfekt kertahring með mixi af blingi og röstic…

…og með blúnduna á bakkanum, geta allir vel við unað – ekki satt?

…obb bobb bobb, bætum við einni röstic kórónu – svona sérlega fín fyrir skreytiprinssessur…

…svo ekki sé minnst á kvinnur með hvítt könnublæti – eða “KMHK-samtökin”.  Ég get lofað ykkur að ég “þurfti” eins mikið á þessum könnum að halda, eins og á skrautpúðum, en hver getur svo sem neitað sér um svona fegurð – segið mér það?

Plús, þið fáið að sjá hvað það er nú fallegt að skreyta með blúndukeflinu…

…svo eru það þessir – hversu dásamlega fallegir eru þeir?

…kom reyndar líka einn til með dásemdar engli í, en þar sem ég englaði yfir mig um seinustu aldamót, þá fékk hann að dvelja áfram niðri í Pier.  En ykkur er velkomið að fara að heimsækja hann og bera honum kveðju mína…

…þessir voru líka sérlega sætir, smáir og fríðir – smáfríðir?

…og komnir á litla stjaka – ekki urðu þeir verri við það 🙂

…og þegar að upp var staðið – eða við borðið sest – þá var útkoman þessi.

En ekki gat ég stoppað hér, og því er næsti hluti af þessum pósti í smíðum…

…viljið þið ekki annars fá að sjá aðeins meira?

ps. þætti vænt um að þið mynduð smella á like-hnappinn ef þið höfðuð gaman af póstinum og ekki væri nú verra að heyra aðeins frá ykkur – eins má sko deila þessu í allar áttir, alveg ókeypis!