Inn í helgina…

…langaði mig að deila með ykkur nokkrum myndum sem ég smellti af hérna heima…

Ég fór nefnilega í Hagkaup í Garðabæ, í þeim tilgangi að kaupa þið vitið þrjá matarkyns hluti sem bráðvantaði, en endaði á að kaupa mér bráðnauðsynlegan óþarfa.  Sem er alltaf svolítið skemmtilegt, ekki satt? 🙂

…það sem ég keypti var þessi hérna kúluvasi.  Sem er ugglaust hugsaður sem kertalukt, en af einhverjum völdum hefur það verið mér sérlega hugleikið að eignast kúluvasa.  Þetta eru einhver óútskýrð Pinterest-áhrif sem eru að laumast upp á yfirborðið.  Lendið þið aldrei í svona?

Þegar ykkur er farið að langa í eitthvað, sennilegast af því að þið eruð búnar að sjá svo mikið af myndum af því að það hefur laumast í undirmeðvitundina…

…en mér finnst þessi æðislegur og hann kostaði bara 1.299kr, þannig að ég gat alveg réttlætt þetta fyrir mér…

…svo var það þetta litla steypta egg, kr 499, sem fékk líka að koma með heim.  Enda sérlega kjút sko…

…svo var ég búin að kaupa mér Ecalyptus-greinar, sem er hreint dásamlegur ilmur af…

…og skellti þeim líka í vasa í stofunni…

…Molinn skilur ekkert í þessu brölti í mér – en hann verður fljótur að venjast…

…þessi fallega morgunsól…

…svo voru það túlípanar sem urðu fyrir valinu fyrir helgina…

…svona fallegir bleikir og fylltir túlípanar…

…það er reyndar dásemdar friðsæld sem fylgir svona kertaljósi og fallegum blómum…

…það virkar einhvern veginn allt mikið fínna og jafnvel hreinna…

…svo langaði mig bara að þakka frábær viðbrögð við pælingunum mínum í gær ♥

Ég var dálítið orðin mállaus hérna inni, stundum þá bara missir maður dampinn og finnst maður ekki hafa neitt fram að færa, en þá er alltaf gott að koma einhverju svona frá sér.  Einhverju sem hefur kraumað innan í manni lengi og maður hefur viljað hleypa út – kannski var þetta bara að eins og stífla sem þurfti að bresta…

…annars sendi ég ykkur bara knús og kram inn í helgina, njótið hennar ♥

p.s. ef þú vildir vera svo dásamleg/ur að smella á like, svona af því að þú last póstinn og hafðir gaman að, þá yrði ég þér afar þakklát.  Ekki væri nú verra að heyra frá þér, ég er stundum hálfeinmanna hérna inni!