Star Wars barnaherbergi…

…hér er um að ræða herbergi fyrir 6 ára gaur, sem ég fann á netinu og bara stóðst ekki að deila með ykkur.  Mér finnst þetta hreint geggjað herbergi.

Það er að mínu mati, svo flott að sjá svona barnaherbergi með “þema” sem fara ekki yfir strikið.  Þegar ég segi yfir strikið – þá á ég við að vera kannski með gardínur, mottur, púða og allt í sama stíl – það getur orðið svolítið “þreytt” til lengdar og eldist illa.
Þetta er herbergi sem þarf lítið að breyta, þrátt fyrir að barnið vaxi og stækki, það er bara skipt út nokkrum hlutum…

…litapallettan er mjög hlutlaus, daufgráir veggir og loftið hvítmálað.  Gardínurnar eru líka hlutlausar, röndóttar í gráu og hvítu.  En hins vegar er rúmið svart, og gardínustangirnar svartar og það gefur alveg hellings karakter inn í rýmið…

…það er líka svo fallegt, og mikilvægt til að ná hlýleika, að vera með svona fallega kommóðu hérna.  Brýtur upp litapalletuna…

…þetta herbergi býr svo vel að vera með mjög hátt til lofts.  Þannig að það er hægt að nýta skemmtilega lofthæðina, eins og gert er með plagatinu.  En önnur lausn sem er endalaust skemmtileg, eru vegghillurnar sem eru þarna þrjár saman.  Þetta gefur svo mikinn svip og karakter inn í rýmið – og einfaldast í heimi að skipta út og breyta!

…ljósið í loftinu er líka alveg ferlega töff – sem og örvarnar á veggnum fyrir ofan myndina…

…náttborðið er líka málað í fallegum lit sem kemur alveg æðislega út…

…síðan er það alltaf punkturinn yfir i-ið að setja fallegar myndir í ramma.  Hér hafa verið fundnar til flottar myndir sem tengjast Star Wars og settar í ramma…

…ohhhh Han Solo – hann var nú sætastur…

…ekki sammála um að þetta er æðislegt herbergi?

Til að skoða og lesa meira þá smellið þið hérna, Lay Baby Lay!

Photos via Lay Baby Lay.

4 comments for “Star Wars barnaherbergi…

  1. Margrét Helga
    20.01.2017 at 08:24

    Þetta er æði! Náttúrulega bara snilld að þurfa ekki að endurnýja allt í herberginu ef eigandinn vex upp úr Star Wars 😉

  2. Charlotte
    21.04.2018 at 09:28

    Hi! Beautiful post! Could you please tell me where you found those awesome Star Wars prints 🙂

  3. Martrice
    17.11.2019 at 18:06

    Beautiful room! Can you please tell me where you got the comforters?

Leave a Reply

Your email address will not be published. Required fields are marked *