Desember stimplaður inn – DIY…

…

þá er desember genginn í garð og því er ekki að neita að aðeins 24 dagar eru til jóla.  Mér fannst því kjörið að sýna lítið DIY/föndur, sem er auðvelt að gera með krökkunum, eða bara einn með sjálfum sér.  Fallegt og nýtilegt – er það ekki alltaf kostur?

Allt efnið fæst í A4 og í þetta var notað:
* Stimplar af ýmsum gerðum
* Stimpilpúðar
* Lítil merkispjöld og hjörtu
* Límmiðar – nokkrar týpur
* Snæri

…ég tók stimpilpúðana í silfri og svörtu, en eftir á að hyggja þá sá ég smá eftir að taka ekki gylltan líka…

…þessir stóru stimplar eru mjög skemmtilegir.  Þægilegasta leiðin til þess að nota þá er að dýfa þeim í stimpilpúðann og leggja þá svo á borðið og svo setja miðana ofan á þá.  Mér fannst það besta leiðin til þess að stjórna útkomunni…

…hér sjáið þið merkimiðana, en ég tók í brúnu, rauðu, hvítu og svörtu.  Sumir voru meira segja hjartalaga…

…og mikið úrval af límmiðum og því bara að velja það sem heillar.  Ég tók t.d. jólatré og snjókarla sem ég vissi að myndi ná til krakkanna…

…eins og sést kannski á þessari mynd þá eru stimpilpúðarnir og merkispjöldin mjög svipað að stærð, og það sem meira er að stimplarnir smellpassa þarna ofan á…

…og úr verða svona líka sætir og huggulegir litlir merkimiðar…

…ég vildi alls ekki hafa stimplunina of “fullkomna” – frekar svona smá rustic og töff…

…svo fékk ég litla aðstoðarmanninn til þess að leggja mér lið…

…og þetta er eitthvað sem er fullkomið fyrir krakkana.  Tekur stuttan tíma, þau sjá strax útkomuna og ef ekki er nenna í meira – þá er bara að stökkva í burtu og næsti tekur við…

…þarna settum við snjókornastimpilinn sem bakgrunn…

…og límmiðana ofan á…

…svo er bara að leika sér með þetta….

…hér er t.d. bara snjókornastimpillinn…

…stóra systir kom svo með okkur í þetta…

…og það var stimplað og límt af miklum móð…

…og útkoman var bara hreint alls konar merkimiðar…

…þessir svörtu voru t.d. mjög töff…
…og fyrst ég var með stimplana, þá stóðst ég ekki þessa gjafapoka frá Panduro sem eru til í nokkrum stærðum og litum…

…þeir fengu svona einfaldan stimpil á sig…

…smá snæri og við erum komin með ferlega töff litla gjöf handa einhverjum…

…eða skella mandarínum, eða bara heimalöguðum smákökum í pokana…

…svo er víst rétt að benda á það að þessir tveir dásemdar kertastjakar eru líka úr A4 og koma frá House Doctor-merkinu…

…svei mér þá – mér finnst þetta bara krúttlegt ♥

ps. þætti vænt um að þið mynduð smella á like-hnappinn ef þið höfðuð gaman af póstinum!