Mánudagur…

…og jólin á næsta leyti.

Ég fékk meira segja um daginn svona líka dásemdarpakka með póstinum…

…með alveg hrein dásamlegu innihaldi.  En þetta er fallegi hreindýralöberinn frá Jónsdóttur & co, sem mig hefur langað í, í mööööörg ár, og ég veit ekkert af hverju ég var ekki búin að framkvæma að fá mér hann.

Með þessu fylgdi síðan enn fallegra kort og texti, sem fékk mig til þess að fá fullt af kuski í augun og hlýtt í hjartað.  Ekki er það nú verra ♥

…hann er alveg dásamlegur þessi, svo einfaldur og rustic fílingur yfir honum…

…eitthvað sem ég fíla sko alveg inn í eldhúsið mitt, svona í þessa “sveitastemmingu” sem að ég fíla svo vel…

…sjáið bara hvað hann er nú fallegur þessi elska…

…og eins og þið sjáið, þá er fullt af allskonar á borðinu, en allt í hvítu og smá silfri/gráu, ásamt grænum trjám og könglum.  Alveg eins og mér þykir best…

…ég setti líka smá gervigrenilengju í ljósið, og á eftir að mynda það betur og sýna ykkur…

…síðan er þetta alveg að ná að njóta sín á kvöldin, með kertaljósi…

…því ég hef sagt svo oft, að allt verður fallegra með kertaljósinu…

…og auðvitað þessum einföldu jólahlutum, sem eru ekkert æpandi jóló, en bara fallega jóló…

…síðan langar mig að benda ykkur á síðuna hennar Ragnhildar, sem er með Jónsdóttir &co (smella hér) – en það er einmitt seinasti dagur í dag sem hægt er að panta hjá henni þannig að það náist fyrir jól, og það er meira að segja enginn sendingarkostnaður.

Yndislega fallegar íslenskar vörur – og hún Ragnhildur er alveg dásamleg og eitt mesta gæðablóð sem ég hef kynnst ♥

Takk kærlega fyrir mig elsku Ragnhildur!!

p.s. ef þú vildir vera svo dásamleg/ur að smella á like, svona af því að þú last póstinn og hafðir gaman að, þá yrði ég þér afar þakklát.  Ekki væri nú verra að heyra frá þér, ég er stundum hálfeinmanna hérna inni!