Gaurajólin…

…eru sko á fullu blasti inni í herbergi litla mannsins.

Ég veit ekki alveg hvernig það gerðist að við erum komin með þrjú jólatré í húsinu okkar, það bara gerðist.  Reyndar get ég kannski, hugsanlega “kennt” elsku mömmu um þetta allt saman.  Hún mamma var sko með tréð á svölunum hjá sér.  Síðan, þegar hún ákvað að “nenna” ekki að vera með tré lengur – þá gáfu þau henni dóttur minni tréð sitt.  Það er sem sé langa mjóa tréð sem stendur inni hjá henni núna…

Eftir það var ekki aftur snúið, og litli maðurinn vildi ólmur fá tré inn til sín líka.  Í fyrra var ég með gamalt gervitré inni hjá honum, það fyrsta sem ég keypti mér þegar ég var 17 ára (já ég fékk mér jólatré 17 ára – ég var bara svona villtur unglingur sko) – en í vor voru auglýst þrjú svona mjó jólatré á sölugrúbbunni og ég keypti þau í snarasti.  Núna stendur það stæðsta af þeim þremur inni hjá litla manninum…

…tréð skreyttum við hins vegar mjög svo frjálslega og eftir vilja unga mannsins, og hér eru engar jólakúlur sko…

…ónei, það eru sko ofurhetjur sem hanga hér úr greinum og haga sér einkar dólgslega…

…litla gaur til mikillar gleði…

…og býður upp á fjölbreytta og skemmtilega leiki…

…eins og þið bara sjáið 🙂

…hér er engin stjarna, í venjulegri merkingu, heldur ofurmennið og súperstjarnan Spiderman sem stendur á toppinum – alsæll og góður með sig…

…ég notaði síðan svona límmiðaský sem ég fékk hjá Art&Text og bætti við á vegginn, í kringum heimalöguðu Ribba-ský hilluna….

…og hann á auðvitað líka sitt Jesú-hús eins og stóra systir…

…dagatalið er geymt í “búri” 😀

…og snjókallanýlenda hefur skoppað upp á kommóðunni…

…og smá Snjókall situr og passar upp á sitt…

…í glugganum er stjarna sem stóra systir föndraði eitt sinn…

…og fallega stjarnan sem ég fékk niðri í Pier, æðisleg með ljósi innan í…

…en enn meiri stjörnufans með þessari ljósaseríu úr Rúmfó sem hangir þarna…

…varð síðan að sýna ykkur að um daginn var hann í heilmiklum leik í nokkra daga, og kastalinn stóð á teppinu…

…öllu raðað og vel frágengið…

…og búið að “byggja” litla viðbyggingu – skyldi hann bara vera sonur móður sinnar 🙂

…og þannig eru gaurajólin hjá okkur í ár 🌲❤🌲

ps. þætti vænt um að þið mynduð smella á like-hnappinn ef þið höfðuð gaman af póstinum og svo má auðvitað deila honum ef þið hafið hug á!