7. desember…

…og ég er enn að þvælast í eldhúsinu – koma svo!!

Samt verð ég því miður að segja að þetta er ekki einu sinni seinast pósturinn – dísushvaðþessikonaerslowaðskreytaogskilaþessuafsérmaður!

…ég tók sem sé glerboxin mín, og setti tvö stærri á hlið, til þess að hægt væri að stafla þeim, og svo gerði ég smá svona skógarævintýri inni í þeim…

…efstur trónir litli bambi, og smá gróður og könglar og snjór gefa síðan rétta fílinginn…

…sko bara, eitthvað að gerast á öllum hæðum…

…þessi litli kúrir ofan á hvítri stjörnu, reynir að lyfta sér örlítið upp…

…krúttið á honum…

…og ég setti líka eitt tré, og smá snjó, útfyrir svona til þess að fá skemmtilegri blæ á þetta allt saman…

…á hillunni standa keikir Vík-í-Mýrdal-sumarleyfissveinarnir mínir…

…þeir eru nú ekki margir jólasveinarnir sem ég skreyti með, en þessir fengu náð og miskunn…

…enda er ég sérlega svag fyrir svona háum mönnum *fliss* – ekki að ég sé að kalla húsbandið jólasvein sko…

…Stormi leiðist að þurfa að hanga inni og bíða, en annars er allt gott að frétta af honum.  Hann er að braggast alveg ótrúlega vel og hinn hressasti.  Reyndar erum við ekki búin að frétta neitt úr ræktuninni, en vonum það besta!

…annars er víst spáð einhverju horngrýtisveðri í dag, og því er eins gott að gera bara ráð fyrir að vera inni fyrir eins og hægt er.  Kveikja á kertum, og svo bara að reyna að njóta að sitja af sér veðrið.  Ef svo má að orði komast.

Ég er reyndar nánast alltaf með kveikt á kertum þessa dagana…

…en þið ættuð bara að vita vitleysisganginn sem á sér stað á bakvið tjöldin…

…synd að segja að börnin læri ekki það sem fyrir þeim er haft 😉

…en sum sé – allir að vera reddí fyrir vonda veðrið.

Eitthvað gott að borða, kerti og kósýheit – og vera búin að týna inn allt fyrir utan sem gæti fokið!

Hugsa hlýtt til ykkar og vona að þið hafið það sem best ♥

ps. þætti vænt um að þið mynduð smella á like-hnappinn ef þið höfðuð gaman af póstinum og svo má auðvitað deila honum ef þið hafið hug á!