Herre Gud…

…og allt það!

Við eigum ýmsar skemmtilegar venjur innan fjölskyldunnar.  Ein þeirra varð til fyrir 5 árum, þegar að elsta systir mín bauð í fyrsta sinn í Halloween-partý.  Það hafði aldrei verið haldið áður og þetta fannst okkur ferlega skemmtilegt, sérstaklega krökkunum.  Litli maðurinn var bara lítið peð í fyrsta partý-inu, rétt 4ra mánaða.

Síðan gerðist það í þessu fyrsta að hún móðir mín lýsti því yfir að svona Halógen-partý væru bara æðislegt – og eftir það var ekki aftur snúið.  Við höldum alltaf Halógen partý, á hverju ári:)

Hér höfum við árið 2011 – ég var Dórótea úr Galdrakarlinum í Oz, húsbandið var fremur sleezy prestur, svo var það Gúri litli og Jasmín prinsessa…

…systir mín og hennar famelía tóku þetta skrefinu lengra og hófu að vera í fjölskyldubúningum, erfiðara og skemmtilegra – hér eru The Incredibles…

…við ákváðum að vera með því árið eftir – og því kynni ég Dýrin í Hálsaskógi: Lilli Klifurmús, Amma mús, Húsamúsin og auðvitað Mikki refur…

…húsasmúsin gekkst upp í sínu hlutverki…

…svo ekki sé minnst á hann Mikka – hann var í stuði…

…systirin og famelían – jújú Heilsuhælið í Gervahverfi…

Þá er komið 2013, við vorum Ævintýrið um Rauðhettu.  Þið sjáið þarna Rauðhettu sjálfa, litla veiðimanninn, úlfinn í svörtu og auðvitað tveggja metra ömmu (með verulega loðna leggi – koma svo amma)…

…en sæt var hún amma!

Við reynum líka alltaf að búa til búningana, ekki kaupa tilbúna – og það verður skemmtilegra þannig…

…systirin – jújú, strumparnir mættir…

…velkomin til 2014 – við vorum í smá vandræðum, Elsa vildi bara vera Elsa og svo var turtles alveg ákveðin í að vera turtles.  Eiginmaðurinn fékk því þessa líka fínu mottu á bringuna og við vorum einhversskonar 70´s diskópar…

…á sama tíma toppaði systirin sig – og jújú Múmínfamelían mætt á svæðið…

…heimalagaðar grímur og allt – legg ekki meira á ykkur…

…og þá erum við komin að árinu í ár – 2015.

Hér er ég í mikilli búningahönnun…

…þetta gerir sig ekki sjálft sko…

…og útkoman var – jújú Herre Gud og englakórinn hans.

Þeir sem taka vel eftir sjá reyndar að minnsti engillinn er ekki alveg sáttur við að vera bara “engill” og var því í varabúningi innan undir…

…en þó – hann gat nú alveg sprellað smá…

…húsbandið lagði sig allan fram við að láta sér vaxa hár og skegg, og ég gerði hann svo bara gráhærðan með verkefnum – win win, ekki satt?

…systirIn tók þetta enn á ný á hærra plan – og hér höfum við The Flinstones…

…en mig langaði að deila þessu með ykkur að gamni, til þess að sýna ykkur skemmtilegu búningana (það eru auðvitað fleiri í partýinu og enn fleiri búningar, en ég átti svo fínar myndir af þessum til að sýna) og bara til þess að sýna frábæra fjölskylduhefð sem hefur myndast…

…þetta er kvöld sem að krakkarnir eru farnir að bíða eftir allt árið og við erum öll saman í að finna út með búninga.

Mæli með þessu!  Áfram Halógen 🙂

…Svo síðar, þetta hér…

ps. þætti vænt um að þið mynduð smella á like-hnappinn ef þið höfðuð gaman af póstinum og svo má auðvitað deila honum ef þið hafið hug á!