SkreytumHús-kvöldið…

…var í Rúmfó í gær – og vá hvað það voru margar sem að skunduðu á svæðið!  Geggjað að fá að hitta ykkur og spjalla, og gaman að sjá hversu spenntir allir voru fyrir jólunum og bara skrautinu almennt.  Yndis!

Ég tók nokkrar myndir, áður en hófið hófst – bara til þess að sýna ykkur, sem ekki komust, hvernig var raðað á borðin.

Því miður var margt sem kláraðist í hvelli, enda þegar 300 konur koma inn á sama tíma og langar öllum í fínerí, þá hafa þær hraðar hendur 🙂

Fyrst var það hvíta borðið…

…það er auðvitað sá stíll sem hentar mér best af öllu – það sem ég myndi gera helst heima hjá mér…

…stóri vasinn þarna í baksýn er bara venjulegur glervasi – en ég tók vegglímmiða og notaði bara að hluta til á vasann…

…skellti líka límmiðum á bakkann, skemmtilegt að leika sér með þetta – og þessi kerti sko…

…litlu grænu trén sem þið sjáið þarna á bakkanum urðu mjög vinsæl…

…sérstaklega þegar þeim var stungið ofan í þessar krukkur með gervisnjó…

…annað sem var ansi hreint vinsælt voru þessi hreindýr, sem barasta flúðu öll á vit ævintýranna með dömunum á fyrstu mínútunum…

…hvíta og kósý stemmingin…

…þessi dýrakerti eru alveg yndis…

…sömuleiðis þessir litlu nafnahaldarar – ekta í jólaboðin…

…og svona var hvíta borðið…


…síðan fór ég útfyrir þægindarammann og geri smá svona kántrískotið borð í rauða átt – jeminn…

…alls konar krúttlegheit…


…þessi jólasveinn er alveg á hraðferð til jóla, og löberinn er fallegur…

…meira í rauðu deildinni…

…síðan var það kopar og svarta borðið…

…”dúkurinn” er efni úr metravörunni, alveg ferlega flottur…

…og bland í poka…

…flott kertaglös…

…æðisleg þessi litlu hús sem hanga þarna á – verulega sætt pakkaskraut…

…og uglukrúttin eru í nammidiskunum, en ég lét bara textann snúa aftur…

…hér sést hluti af sérvöldu vörunum sem voru á 30-40% afslætti…

…enn og aftur langar mig að þakka ykkur öllum fyrir komuna, og sérstakar þakkir til ykkar sem gáfuð ykkur tíma í að spjalla 🙂

Ég hef fengið nokkrar fyrirspurnir um hvort að hægt verði að hafa annað svona kvöld fyrir jólin, t.d. í byrjun des – þannig að ef þið hafið hug á svoleiðis þá megið þið endilega skilja eftir komment eða smella einfaldlega á like-arann!

*knúsar* og góða helgi!