Eldhús – fyrir og eftir…

…því að allir elska gott fyrir og eftir!

Hér er um að ræða eldhús, á bloggi sem heitir Chris Loves Julia, og er eitt af þeim fallegri sem ég hef séð.

Til að byrja með var eldhúsið svona…

…til þess að láta hlutina ganga upp fyrir sig fyrst um sinn, þá færðu þau skápa úr borðstofunni og settu á vegginn, ásamt því að minnka eyjuna….

…en að lokum þá fóru þau í framkvæmdir og eftir 7 vikur – fengu þau draumaeldhúsið sitt, já næstum bara mitt líka!

Þetta er nú ansi hreint bjútifúlt!

Innréttingin er ný og er frá Ikea og heitir Laxarby.  Kemur alveg svakalega flott út…

…þau gerðu líka annan glugga á vegginn, sem að gjörbreytir náttúrulega öllu þegar að birtan flæðir svona fallega inn…

…eins finnast mér þessar einföldu, fallegu hvítu flísar (subway tiles) koma æðislega vel út – þær eru svo hreinar og flottar…

…þau bættu líka við hurð á vegginn, og bjuggu til “butlers pantry” eða bara búr eins og við köllum það á hinu ylhýra…

…það sniðuga við að búa til inngang í búrið var að þau gerðu vegginn þannig að ísskápurinn og skáparnir í kringum hann, voru felldir inn í vegginn – sem er sniðug lausn og lætur allt virka meira opið…

…fyrir utan það hversu falleg hurðin sjálf er, svona rustic viðarrennihurð…

…eitt af mínu uppáhalds við þetta eldhús er að borðplöturnar eru hvítar, en eyjan er úr fallegri hnotu, það gefur svo mikla hlýju í annars svart hvítu eldhúsinu….

…einnig er gaman að sjá hvernig þau blanda saman stálnu og gulli í fylgihlutum…

…eins og sést t.d. á ljósunum…

…tvær eldavélar – það dugar náttúrulega ekkert minna!

…gordjöss ljós yfir eyjunni…

…þó að þetta sé rétt fyrir utan eldhúsið, en þvílík snilldarlausn.  Hundamatarhilla.
Hægt að nota nánast alla hillubera og skera bara úr fyrir döllunum…

…ég hefði sennilega aldrei haldið að ég myndi verða svona skotin í þessari mottu – en hins vegar – mér finnst hún æði þarna inni!  Alveg hreint pörfekt 🙂

Þetta er bara fallegt að mínu mati.
Þetta er stílhreint, dökkt og dramatískt, ljóst og létt, viður og steinn – fullkomin blanda af þessu öllu 🙂

Hvað er ykkar uppáhalds?

All photos via Chris Loves Julia – click here for full details!

ps. þætti vænt um að þið mynduð smella á like-hnappinn ef þið höfðuð gaman af póstinum og ekki væri nú verra að heyra aðeins frá ykkur!