Gleðilegir páskar…

…en það er ósk mín til ykkar í dag!

Páskarnir eru svo yndislegur tími, þeir bera með sér fyrirheit um sumarið og bjartari daga.

Þetta er langt frí, sem er samt svo laust við “kvaðir og skyldur” sem fylgja t.d. jólunum.  Þetta er eiginlega bara svona: “endilega reyndu að hafa það kósý-frí” með dash af óhófi í súkkulaðiáti.

Hver kvartar svo sem yfir því?

Eins og ég hef áður sagt, þá er ég hætt að tala um eiginlegt páskaskraut – og kýs fremur að líta á þetta sem vorskraut.  Enda eru þetta egg og annað slíkt í pastellitum, og það er víst kjörið til þess að bera oss yfir þessa seinustu vikur vetrarins.

Jafnvel þó að stöku ungi læðist með og fái að dvelja ögn lengur en skyldi.

Síðan eru öll þessi egg orðin svo falleg, að það væri bara synd að pakka þeim beint niður eftir nokkra daga.

Smávegis hreiður.

Lítil og krúttaraleg hreiður með ungum – búin að koma sér fyrir hér og þar.

María blessunin passar upp á þetta.

Síðan eru það nátturulega blómin, bæði afskorin og öll laukblómin, þau koma svo sannarlega með vorið með sér.

Séð yfir “páskaeldhúsið” mitt, í fullum skrúða.

Eins og áður sagði, þá óska ég þér, elsku lesandi, sem og fjölskyldu þinni gleðilegra páska og vona að þið njótið þess að vera saman yfir hátíðina.

Risastórt páskaknús, frá mér og beint til ykkar!