Smá pjatt í þvottahús…

…eða svona í þá áttina.
Þið munið eflaust flestar eftir pjattbreytingunni sem að varð á forstofunni á sínum tíma (sjá hér)…

…þvottahúsið hefur líka verið sýnt áður (t.d. hér).  Í þvottahúsinu er þessu hérna snagi sem að krakkarnir nota fyrir sín föt þegar þau koma inn…

…fínn snagi sem tekur vel við.  Þessi fékkst í Tiger…

…um daginn var ég hins vegar í Rúmfó og rakst þar á snagabretti sem mér leist svo vel á.  Fékk mér eitt og þegar heim kom þá sá ég að það var nánast í sama lit og snagabrettið í forstofunni…

…ég varð alveg ferlega skotin í þessu…

…við skiptum síðan út hinum snögunum og mér fannst þetta betra, það varð meira samræmi á milli rýmana tveggja…

…og þeir eru svoleiðis mikið sætari en þessir sem voru fyrir (þó þeir hafi verið fínir)…

…og þar sem snagabrettið kostaði undir 2000kr þá fannst mér þetta fínn díll!

…ég hefði verið til í að skipta út efri snaganum líka, en þar sem að opið upp á háaloft er þarna fyrir ofan, þá var ekki pláss fyrir annan svona snaga – búúúú 🙁

…síðan, eins og sést á myndinni fyrir ofan, þá nota ég körfu undir hina og þessa skó af krökkunum, sem að annars myndu flæða hér og þar…

…þetta var smá pósturdagsins.

Meira af DIY snagabrettum síðar í vikunni 🙂