…ég hef stundum sýnt ykkur gamlar ljósmyndir.
Mér finnst svo gaman að skoða þessa myndir og velta fyrir mér hvernig hlutirnir voru á þessum tíma.
Það er eitthvað mysterískt við það að horfa á allt svona í svart/hvítu/gráu og velta því fyrir sér hvaða litir voru á hinu og þessu.
Hér höfum við brúðarmyndina af foreldrasettinu mínu, tekin 1962 á gamlársdag…
…en ef við færum okkur fram í tímann, alla leið til nútímans, þá fáum við að sjá að þetta kjóllinn hennar mömmu sem að hangir þarna inni í svefnherberginu okkar…
…að vísu er slörið ekki frá henni mömmu, heldur keypti ég það fyrir brúðkaupið okkar hjónanna en það var reyndar aldrei notað…
…kjóllinn var sem sé ljósblár að lit, sem var víst ekki óalgengt á þessum tíma að kjólarnir væri í lit.
Skírnarkjóllinn var líka notaður í fyrsta sinn á þessum sama degi 1962, og síðan höfum við öll systkinin – og flest barnabörnin verið skírð í þessum kjól…
…ég held að þetta sé nokkurn veginn sannasta myndin af litinum, hann er svona ljósljósblár…
…svo fallegt mynstur…
…ermarnar koma svona spíss og rennilás, þannig að þær voru alveg þröngar…
…þessar myndir voru teknar áður en spegillinn var hengdur upp í forstofunni…
…lítið breyst á náttborðinu…
…skemmtilega endurspeglun…
…og áður en Stóri-Paul (sjá hér) flutti inn í herbergið…
…mér fannst líka gaman að fá mér blátt lak og koddaver í Ikea, sem að gáfu svona fallegan lit með gráa sængurverasettinu (úr Rúmfó). Er ánægð með þetta sett, því að það er svona dökkgrátt að ofan, en hvítt undir…
…blái liturinn minn er farinn að færa sig upp á skaftið og sést orðið víða…
…þannig var þessi litli póstur…
….sýnir eitt og annað í hjónaherberginu…
…og þá helst náttúrulega kjólin hennar mömmu minnar…
…og fyrst að pósturinn byrjaði með mynd af mömmu og pabba fyrir 52 árum, þá er við hæfi að enda á aðeins nýrri mynd af þeim ♥
Sómir sér vel þessi fallegi kjóll á heimilinu þínu 🙂
Mikið er þetta fallegur kjóll frá mömmu þinni og æðislegur litur á honum.
Ohhhh þau eru dásamleg – þessi nýlega mynd af þeim sýnir svo innilega væntumþykjuna – og kjóllinn æðislegur ! – og hjónaherbergið – og rúmið …..zzzzzzzz langar að leggja mig bara það virkar svo djúsi þar sem ég er ósofin – búin að vera að flytja og pakka úr kössum og svona alla helgina……og skipulegga og henda og zzzzzzzzzz
En dásamlegur póstur <3
Fallegasti blái litur í heimi!
Vöknaði bara um augu að sjá þessa yndislegu mynd af foreldrum þínum í lokin. Öll sagan þeirra (þó ég þekki hana ekki,;).
Allt hitt æði líka og kjóllinn dásamlegur 🙂 Finnst svo æðislegt að eiga svona fjölskyldu skírnakjól við erum einmitt með einn slíkan sem amma saumaði uppúr 1950
Fallegur kjóll sem á sér frábæra sögu
Dásamlega fallegar myndir af foreldrum þínum, báðar tvær. Nýrri myndin snerti nú bara hjartað í manni 🙂
Svo fallegt alltaf heima hjá þér sama hvert er litið! En ég er alveg sjúúúúk í þennan spegil þinn! Er hægt að kaupa hann einhversstaðar?
Hann fékkst í Draumalandinu í Kef á sínum tíma, en svo fást líka svona í Heimahúsinu – eða svipaðir 😉