Salt…

…er ekki bara í grautinn!

Ónei góða mín, það er líka til smá leyndó í bakhúsi á Laugarveginum sem að ber heitið Salt Eldhús.

Tekið af heimasíðunni:

Alveg frá því að ég man eftir mér hefur lífið snúist um mat og matargerð og ekki minnkaði áhuginn eftir 2 ára dvöl í Frakklandi í lok níunda áratugarins.  Salt Eldhús sprettur upp af brennandi áhuga mínum á matargerð og þeirri staðreynd að mér fannst vanta í íslensku flóruna stað sem þennan. Mig langar að skapa vettvang fyrir hinn almenna sælkera, þar sem áhugamenn og konur um matargerð geta komið saman og sinnt áhugamáli sínu, hist, spjallað, kokkað og að lokum deilt þeim dýrindis máltíðum sem eldaðar voru, yfir glasi af góðu víni.

 

Mér finnst mikilvægt að þessi vettvangur höfði til allra, hvort sem þeir eru byrjendur eða lengra komnir, sé vel tækjum búinn, sé í fallegu umhverfi og hafi góða kennara á sínum snærum. Sjálfri finnst mér það hafa tekist og vona að þér finnist það líka.

 

Bon appétit,

Auður Ögn Árnadóttir

Hvers vegna er ég að segja frá þessu?

Nú vegna þess að ég er á leiðinni þangað á námskeið í makkarónugerð – já takk fyrir sæll!
Frúin ætlar svoleiðis að massa þetta, nú verður ekki bara skreytt og breytt, það verður líka bakað.

Ég frétti fyrst af Salt Eldhúsi í gegnum Facebook þegar að einhver vinur like-aði mynd sem að Salt setti inn, og viti menn, ég svo forvitin að ég varð að kíkja og fékk skyndilega þvílíka eldhúsöfund.

Ég meina, hafið þið séð eldhúsið og alla fegurðina þar.  Eigum við svo eitthvað ræða um Kitchen Aid vélina? **öfund**

…ég bara hreinlega get ekki beðið eftir að berja þetta augum…

…svo er náttúrulega hægt að láta sér dreyma um að einn góðan veðurdag eignist maður svona fallega græjur…

…svo flottir litir…

…það er spurningin!

…eru einhverjar/ir hér á leiðinni á námskeið þarna núna á næstunni?

…þetta er nú eitthvað til að láta sér hlakka til 🙂

Þið komist á síðuna hjá Salt Eldhúsi með því að smella hér!

Myndir fengnar að láni af heimasíðu Salt Eldhús, með góðfúslegu leyfi!