Fríða frænka…

…er innlitið okkar í dag.

Ég datt þarna inn um daginn og svei mér þá ef ég hefði ekki getað ráfað um og skoðað svo dögum tímunum skiptir 🙂  Endalaust af alls konar góssi sem væri enginn vafi á að myndu gæða heimilið skemmtilegum blæ.

Eigum við að kíkja saman?

…gamlir dúkkuvagnar kveikja upp nostalgíu…

…gott að einhver á meira af kertastjökum en ég 😉

Kikka fengi sennilega bara bollakast þarna inni…

…og nóg er af efnum…

…heillandi gömul sett…

…og í raun bara fullt af alls konar…

…neðri dallurinn var til í eldhúsinu hjá henni mömmu minni og geymdi hveiti.  Kannist þið við svona?

…og Dedda frænka átti svona eins og þessi neðri, vinstra megin…

…það er líka ótrúlega sjarmerandi að sjá veggina og loftið í sama lit…

…falleg mynd…

…og ljós…

…og nóg af ekta gammel veggfóðri….

…gamlir kíkjar eru æðislegir í hillur sem skraut, bæði í töskunni og án hennar…

…gull og gersemar…

…stafir með stíl fyrir þá sem það þurfa…

…horn, ljós, myndir, krossar – það er allt þarna…

…svo var það þessi skápur – hann geymdi uppáhaldið mitt…

…ekki þessa brúðu, þó hún hafi verið indæl…

…þessi fannst mér vera einstaklega falleg líka…

…og þessi gamli bangsi, yndislegur…

…en mitt mesta uppáhalds, sem að ég átti virkilega erfitt með að skilja eftir var þessi gíraffi!  Hann var svona ekta gammel, með hálmi innan í, og ég sá hann svo mikið fyrir mér upp á punt í barnaherbergi – svo mikil fallegur…

…brúða með brúðu…

…42395 – gamla símanúmerið heima hjá mér, það var fyrsta sem flaug í huga mér þegar ég sá þessa…

…annað barnaherbergisskraut, yndis!

…þessi er fögur…

…gömul leikföng eru svo einstaklega falleg, ég er nokkuð viss um að t.d. Bratz dúkkurnar standist ekki svona tímans tönn (eða það vona ég svo sannarlega ekki *hrollur)…

…rokkar rokka…

…fallegur spegill, og hver þarf ekki að eiga svona útsaumaða mynd sem á stendur “Handklæði”…

…hvað fannst ykkur flottast??

Uppáhalds?

Finnst ekki flestum gaman að svona innlitum? 🙂